असोज १९ , प्यूठान ।

नगर खेलकुद विकास समिति स्वर्गद्वारी नगरपालिका प्यूठानले स्वर्गद्वारी नगरपालिका प्यूठानमा पाँचौ मेयर कप सञ्चालन गर्न थालेको छ ।

स्वर्गद्वारी नगरपालिकाको समग्र खेलकुद विकासको लागि विविध खेलकुद कार्यक्रम सञ्चालन गर्ने खेलकुद समितिले २०८० सालको मेयरकप यहि कार्तिक १० गते शुक्रबारदेखि सञ्चालन गर्ने भएको छ । मेयरकपको लागि विशेष गरेर पुरूष भलिबल प्रतियोगिता राखेपनी सोही समयमा सधा झै पुरूष क्रीकेट प्रतियोगिता पनि सञ्चालन हुने खेलकुद समितिले जनाएको छ ।

शुक्रबार एक औपचारिक कार्यक्रमको बिच उद्घाटन गरेर विविध खेलकुद प्रतियोगिताहरू अगाडि बढाइने भएको छ । महिलाहरूको खेलकुद विकासको लागि विगतमा अन्य प्रतियोगिता भएपनी यस वर्ष खेलकुद समितीले महिलाहरूको विशेष सहभागीताको लागि मैत्रीपूर्ण महिला भलिबल प्रतियोगिता पनि राख्ने भएको छ । यहि बिचमा व्याडमिटन प्रतियोगिता पनि सञ्चालन हुने आयोजकले बताएको छ ।