जनखोजी संवाददाता
प्यूठान, चामलमा मिसावटको आलोचना पछि प्युठानको बाग्दुला स्थित कक्षपति ट्रडेसमा छड्के अनुगमन गरिएको छ । बुधबार जिल्ला प्रशासन कार्यालय प्यूठानले प्रमुख जिल्ला अधिकारी मदन कोईराला, प्रहरी नायव उपरिक्षक ईस्वर थापा, प्यूठान नगरपालिकाका जनप्रतिनिधि लगाएतको टोलिले ट्रेडर्सको गोदामबाट म्याद गुर्जिएका बिभिन्न सामानहरु बरामद गरेको छ ।
कक्षपती ट्रेडर्समा म्याद गुर्जिएका र कमसल सामान बिक्रि बितरण हुने गरेको गुनासो थियो । प्रशासनले सोहि क्रममा टे«डर्सबाट छापा मारेको हो । छापा मार्दा म्याद गुर्जिएको तथा कमसल सामानहरु तिन लाख १९ हजार ५ सय ६ रुपैया बराबरको बरामद गरिएको जिल्ला प्रहरी कार्यालय प्यूठानका प्रहरी नायव उपरिक्षक ईस्वर थापाले जानकारी दिए ।
चाडपर्वको समयमा हुनसक्ने कालोबजारी, म्याद गुर्जिएका सामानको किनबेचलाई रोक्न प्रशासनले नियमित बजार अनुगमन र गोदामहरुमा छापा हान्दै आईरहेको छ ।