कार्तिक १० , प्युठान। स्वर्गद्वारी नगरपालिका प्यूठानमा हरेक वर्ष सञ्चालन हुँदै आइरहेको मेयरकपको पाचौं संस्करण आजदेखी सुरू भएको छ ।
स्वर्गद्वारी नगरपालिका प्यूठानको आर्थिक सहयोग तथा नगर खेलकुद विकास समितिको आयोजनामा सञ्चालन हुने ञपाँचौ स्वर्गद्वारी मेयरकप ( २०८० ) नगर प्रमुख टेक प्रसाद भण्डारीद्वारा आज एक कार्यक्रमको बिच उद्घाटन सहित सुरू भएको हो ।
नगर खेलकुद विकास समितिका अध्यक्ष दुर्ग बहादुर बुढाथोकीको अध्यक्षता तथा स्वर्गद्वारी नगरपालिकाका नगर प्रमुख टेक प्रसाद भण्डारीको प्रमुख आथित्यतामा सञ्चालन भएको कार्यक्रममा राजनैतिक दल , वडा अध्यक्ष, कार्यपालिका सदस्य विभिन्न संघसंस्थाका प्रमुख लगायतका व्यक्तित्वहरूको उपस्थिति थियो ।
पाँचौ मेयरकप अन्तर्गत सञ्चालन हुने विविध खेलकुद प्रतियोगिता करिब ५ दिनसम्म सञ्चालन हुने आयोजकले बताएको छ । खेलकुद प्रतियोगिताको भलिबल प्रतियोगिता ९मेयरकप० मा स्वर्गद्वारी नगरपालिकाभित्रका सम्पूर्ण वडाबाट गरेर ९ समूह सहभागी भएको र क्रीकेट प्रतियोगितामा ८ समूह सहभागी भएको खेलकुद समितिका अध्यक्ष दुर्ग बहादुर बुढाथोकीले जानकारी दिनुभयो । क्रीकेट प्रतियोगितामा आज सम्पन्न भएको वडा नम्बर ३ र वडा नम्बर ४ बिचको खेलमा वडा नम्बर ३ विजय भएको छ । यसै गरि भलिबल प्रतियोगिताको ३ ओटा खेल सम्पन्न भएका छन ।
भलिबल अन्तर्गत पहिलो खेल वडा नम्बर १ र ४ बिचमा भएको थियो जसमा वडा नम्बर ४ विजय भएको थियो । दोस्रो खेल वडा नम्बर ५ र ८ बिचमा भएको थियो जसमा वडा नम्बर ५ विजय र तेस्रो खेलमा वडा नम्बर ७ र ९ बिचमा भएको थियो जसमा वडा नम्बर ७ विजय भएको रेफ्री संयोजक भोपाल कार्कीले बताउनु भयो ।
