बबिता रिजाल कार्तिक १२, प्युठान । पाँचौं स्वर्गद्वारी मेयरकप –२०८० अन्तर्गतको भलिबल प्रतियोगीता तर्फ आज सेमीफाइनलका खेलहरु सकिएका छन् ।
आज भएको पहिलो खेलमा वडा नम्बर ४ र वडा नम्बर ७ विच प्रतिस्पर्धा भएको थियो । जसमा वडा नम्बर ७ ले तेश्रो , चौथो र पाँचौँ सेट क्रमश ः २५– २१ , २५– २३ र १५– १३ जित्दै फाइनल प्रवेश गरेको छ । वडा नम्बर ४ ले भने पहिलो सेट २५ – १८ र दोश्रो सेट २५– २० ले जितेको थियो ।
यस्तै आज भएको दोश्रो सेमीफाइनल खेलमा वडा नम्बर ३ र वडा नम्बर ६ को विचमा प्रतिस्पर्धा हुदा वडा नम्बर ६ विजय हुँदै फाइनलमा पुगेको छ । वडा नम्बर ३ ले दोस्रो सेट २५ – १९ र चौथो सेट २५ – २० ले जित्दा वडा नम्बर ६ ले पहिलो , तेस्रो र पाँचौ सेट क्रमश ः २५ – २३ , २५– २३ र १५– १४ ले जित्दै फाइनलमा पुगेको हो । यो संगै भलिबल प्रतियोगीताको फाइनल खेलमा वडा नम्बर ६ र वडा नम्बर ७ भिड्ने भएका छन् ।
यस्तै क्रीकेट प्रतियोगीता तर्फ पहिलो चरणका खेलहरु सकिएका छन् । आज भएको पहिलो खेलमा स्वर्गद्धारी नगरपालिका वडा नम्बर ५ र वडा नम्बर ८ विच प्रतिस्पर्धा भएको थियो । जसमा वडा नम्बर ५ लाई पराजित गदै वडा नम्बर ८ सेमिफाईनलमा पुगेको छ । दोश्रो खेल वडा नम्बर ३ र वडा नम्बर ९ विच हुदा वडा नम्बर ३ विजयि भएको छ । यस्तै तेश्रो खेल वडा नम्बर ८ र वडा नम्बर ७ विच हुदा वडा नम्बर ७ ले जित हात पार्दै सेमिफाइनलमा स्थान बनायो । वडा नम्बर ४ र वडा नम्बर ९ विच भएको चौथो खेलमा वडा नम्बर ४ ले वडा नम्बर ९ लाई पराजित गर्दै सेमीफाइनलमा प्रवेश गरेको छ ।
यो संगै सेमिफाईनलमा वडा नम्बर ५ , ३ , ७ र ४ पुगेका छन् । पहिलो सेमिफाइनल खेल वडा नम्बर ५ र वडा नम्बर ४ विच हुनेछ भने दोस्रो खेल वडा नम्बर ३ र वडा नम्बर ७ विच हुनेछ ।
स्वर्गद्वारी नगरपालिका प्यूठानको आर्थिक सहयोग र नगर खेलकुद विकास समिती स्वर्गद्वारी नगरपालिका प्यूठानको आयोजनामा पाँचौ स्वर्गद्वारी मेयरकप सञ्चालन भइरहेको छ । कार्तिक १० गते नगरप्रमुख टेक प्रसाद भण्डारीद्वारा उद्घाटन गरिएको मेयरकपमा भलिबल प्रतियोगिता , क्रीकेट प्रतियोगिता , व्याडमिन्टन प्रतियोगिता , महिला भलिबल प्रतियोगिता सञ्चालन हुने आयोजकले बताएको छ ।
यसैसङ्गै मित्रता, सद्भाव ,एकता अनि सहिष्णुताको लागि भन्दै कर्मचारी , शिक्षक , जनप्रतिनिधि तथा आयोजक बिचमा पनि मैत्रीपुर्ण भलिबल प्रतियोगिता पनि सञ्चालन भईरहेका छन् ।
जस अन्तर्गत आज मैत्रीपुर्ण महिला भलिबल प्रतियोगिता पनि सञ्चालन गरेकोमा वडा नम्बर ७ र वडा नम्बर २ फाइनलमा पुगेको छ । यसको फाइनल खेल कार्तिक १३ गते बिहान ८ बजे सञ्चालन हुने आयोजकले जनाएको छ ।
