प्युठान, बसको ठक्करबाट एकजनाको मृत्यु भएको छ । मल्लरानी गाउँपालिका – ४ स्थित आपघारीमा यात्रुवाहक बसको ठक्करबाट शनिवार एकजना पैदलयात्रीको ज्यान गएको छ ।
मृत्यु हुनेमा प्यूठान नगरपालिका–७ बड्डाडाका ५५ वर्षीय हुकुमे सार्की रहेका छन् । खलगांदेखि चुजाठाटी जाँदै गरेको ना ५ ख ५१९४ नम्बरको बसले शनिवार दिउँसो ठक्कर दिँदा सार्किको घटनास्थलमै ज्यान गएको जिल्ला प्रहरी कार्यालय प्यूठानका प्रहरी प्रवक्ता देवीप्रसाद गैरेले जानकारी दिए । ठक्कर दिने बस र चालकलाई प्रहरीले नियन्त्रणमा लिएको छ ।