सिपि पौडेल
प्युठान, पौष ७ : स्वर्गद्वारीमा कानुनी सचेतना सम्बन्धि २ दिने अभिमुखीकरण तालिम सम्पन्न भएको छ।
स्वर्गद्वारी नगरपालिका न्यायिक समितिको आयोजनामा न्यायिक समिति ,मेलमिलापकर्ता , जनप्रतिनिधि र कर्मचारीहरूका लागि न्याय सम्पादनमा सहजीकरण ल्याउन कानुनी सचेतना सम्बन्धि २ दिने अभिमुखीकरण तालिम संचालन गरिएको हो।
कार्यक्रम स्वर्गद्वारी नगरपालिका वडा नं। २ धनबाङ मगर होमस्टेमा २ दिनसम्म संचालन भएको थियो। कार्यक्रम स्वर्गद्वारी नगरपालिकाका उप( प्रमुख मिनराज राना मगरको अध्यक्षता, न्याधिश जगत बहादुर पौडेल प्रमुख आतिथ्यता , इलाका प्रशासन कार्यालय जसपुरका प्रमुख श्री मेघ प्रसाद पोख्रेल ज्यू , विशेष आतिथ्यता, प्यूठान जिल्लाका डि एस पि ईश्वर थापा र न्यायिक समितिका सल्लाहकार कृष्ण आचार्यको सहजीकरण र न्यायिक समितिका कर्मचारी अनुराधा नेपालीको कार्यक्रम सञ्चालन सम्पन्न भएको छ। कार्यक्रम स्वर्गद्वारी नगरपालिका अन्तर्गत न्यायिक समिति पदाधिकारीहरु , जनप्रतिनिधि ,मेलमिलापकर्ता सबै बडाका वडा सचिवहरुको उपस्थित रहेको थियो।