प्युठान), २१ पुसः विद्युतीकरण गर्न नौबहिनी गाउँपालिका–३ मा मिटर बक्स वितरण गरिएको छ । नेपाल विद्युत प्राधिकरण प्युठान वितरण केन्द्र प्युठानले नौबहिनी गाउँपालिका वडा नं. ३ को समन्वयमा विद्युतीय मिटरबक्स वितरण गरेको हो ।
वडा कार्यालयमै मिटरबक्स पाएपछि स्थानीय खुशी भएका छन् । पटक पटकको आवतजावत खर्च बच्ने हुँदा वडा कार्यालयले सहजीकरण गरिदिएकोमा खुशी लागेको नौबहिनी गाउँपालिका–३ दोडानेका भोपाल रानामगरले प्रतिक्रिया दिनुभयो । मिटरबक्स जडानको फर्म लिन, बुझाउन, बुझ्न लगायत गरी कम्तिमा तीन पटकको खर्च बचत भएकोछ । रानामगरले भन्नुभयो, “आउनजान रु १२ सय, खाजा गरी तीन पटकमा चार÷पाँच हजार खर्च हुनबाट जोगियो ।” लामो समयको प्रतिक्षा पछि विद्युत जडान हुने भएपछि खुशी लागेको उहाँको भनाई छ ।
वडाबासीले फर्म लिन, फर्म बुझाउन र मिटर बक्स लिन आउँदा नागरिक पाउने झन्जटलाई कम गर्न वडा कार्यालयमा लिई मिटर बक्स वितरण गरिएको नौबहिनी गाउँपालिका–३ का वडा अध्यक्ष डिल बहादुर के.सी.ले जानकारी दिनुभयो । के.सी.ले भन्नुभयो, “वडाबासीको कम आयस्रोत र सरकारी प्रक्रियामा जानकारी नभएको सहजताका लागि प्राधिकरणमा अनुरोध गर्दा सहज तरिकाले गाउँमै मिटर बक्स पु¥याउन सहजीकरण गर्नुभयो, यसले एक परिवारको चारहजार बचत भएकोछ ।” वडाको धम्चे, ओखलढुगां, चुत्राबोट, दोडाने, घागु, काइया, रामथला, गम लगायत बस्तीहरुमा १८ गते देखि आजसम्म मिटर बक्स वितरण गरिएको हो ।
वडाका १०० वढी परिवार बिद्युतको पहुँच बिहिन छन् । विद्युत पुग्न बाँकी राजिम, थग्लुगं, खानी गाउँ, मिर्खिवागं, सिमलचौर, काफलबुटा, दोद्रेचौर लगायत बस्तीहरुमा विद्युतीकरणका लागि पहल गरिरहेको वडाअध्यक्ष डिल बहादुर के.सी.को भनाइ छ ।