बबिता रिजाल , पाैष २ प्युठान । स्वर्गद्वारी नगरपालिका वडा नम्बर ४ जिमुरपाटामा मंगलबार चाेरी भएको छ । जिमुरपाटा स्थित बेल्बासे संगिता किराना पसलका सञ्चालक बालाराम कालाथोकीको काेठामा चाेरी भएको हाे ।
बालारामको कोठा र दराजको लकर तोडेर १ लाख ४८ हजार रूपैयाँ नगद चोरी भएको छ ।
बालाराम कालाथोकी र उनका परिवार केही दिन अगाडिदेखि काठमाडौतिर छन । साेहि समयमा काेहि नभएको मौका पारेर उनको पसलदेखी माथिल्लो तलामा रहेको कोठामा रहेको दराज फाेडेर नगद चोरी गरेको छ ।

बालाराम कालाथाेकिका अनुसार दराजको लकरमा रहेको १ लाख ४८ हजार चोरी भएको छ तर सोही लकरमा भएको करिब १०/१२ तोला सुनका गहना भने सुरक्षीत छन् । यस्तै बालारामले स्विटरमा बेरेर राखेको झण्डै ६४ हजार नगद रुपैयाँ पनि चाेरि नभएकाे बताउनुभयो ।
बालारामको कोठा रहेको तलामा रहेको अर्को बिष्णी बिकको कोठा फोडेर नगद ४ हजार रुपैयाँ चोरी भएको ईलाका प्रहारी कार्यालय भिंगृका प्रहरी प्रमुख भक्त बहादुर सैजालीले बताउनु भयो । कोठा फोरिएको देखेपछि घरबेटी जमानसिहँले प्रहरीमा खबर गरेका थिए । घटना बारे अनुसन्धान भइरहेको प्रहरीले बताएकाे छ ।