प्युठान माघ २३,(जनखोजी)/सर्वोच्च अदालतले जनयुद्ध दिवसमा बिदा दिनु औचित्यहीन र नाजायज भनेपछि शान्ति सम्झौतापश्चात जनतामा आएको माओवादी नेताहरुमा यतिबेला तरंग छाएको छ ।सर्वोच्च अदालतको सोहि निर्णयलाई ईतिहास माथिको अन्याय कहलाउदै अखिल नेपाल किसान महासंघ क्रान्तिकारी केन्द्रका उपमहासचिव एवम् नेकपा माओवादी केन्द्र लुम्बिनी प्रदेश समितिका सचिवालय सदस्य बुद्धबहादुर बस्नेतले सामाजिक संजाल मार्फत प्रतिवाद गरेका छन् ।
उपमहासचिव बस्नेतले आफ्नो सामाजिक संजालमार्फत यस्तो धारणा व्यक्त गरेका छन् ।
” पछिल्लो समय अदालत ले अलि छुद्र शैली अबलम्बन गरेको देखिन्छ । लोकतान्त्रिक ब्यबस्था भित्र हरेक कुरामा अदालत हाबी हुनु राम्रो संकेत पक्कै पनि होइन । नेपाल मा निरङ्कुश शासन को अन्त्य गरि गणतन्त्र स्थापना गर्ने श्रेय जनयुद्ध लाई जान्छ ।त्यो लुकाउनु इतिहास माथिको अन्याय हो ।इतिहास का बिरुद्ध धाबा बोल्नु अदालत को क्षेत्राधिकार होइन । जननिर्वाचित सरकार को साख बलियो भए मात्र स्वाधिनता को रक्षा हुनेछ । जनयुद्ध दिवस नेपालको इतिहास मा गौरव पुर्ण दिन भएको हुदा यसको रक्षा गर्नु ब्यस्थापिका, कार्यपालिका र न्यायपालिका सबैको कर्तब्य हो ।”
