प्युठान,(जनखोजी)। अखिल क्रान्तिकारी स्वर्गद्वारी बहुमुखी क्याम्पस ईकाई कमिटीले क्याम्पसमा चकलेट बाँडेर २९ औं महान जनयुद्ध दिवस मनाएको छ।मंगलबार क्याम्पस ईकाइ कमिटीद्वारा आयोजित एक कार्यक्रमका बीच शुभकामना आदानप्रदान गरि चकलेट बाँडेको हो।
जनयुद्ध दिवसको जगमा आएको यो गणतान्त्रिक व्यवस्थालाई संरक्षण गर्न अत्यावश्यक रहेको नेकपा माओवादी केन्द्र लुम्बिनी प्रदेशका सदस्य प्रभात केसीले बताउनुभयो।कार्यक्रममा बोल्दै उहाँले भन्नुभयो “हिजोको जनयुद्ध निकै कठिन थियो यो सबै त्याग यहि व्यवस्थाको निम्ति थियो,सरोकारवालाले नबुझ्नु अर्को चुनौती हो।”
क्याम्पस ईकाइ कमिटी उपाध्यक्ष सीता भण्डारीको अध्यक्षतामा सञ्चालन भएको उक्त कार्यक्रममा नेकपा (माओवादी केन्द्र)लुम्बिनी प्रदेश सदस्य प्रभात केसीको प्रमुख आतिथ्यता रहेको थियो।क्याम्पसका प्राध्यापक जगन्नाथ पोख्रेलको विशेष आतिथ्यता,क्याम्पसका प्राध्यापकहरु एवम् अखिल क्रान्तिकारीका जिल्ला अध्यक्ष प्रेमबहादुर विश्वकर्माको आतिथ्यता एवम् क्याम्पसका १ सय २० जना विद्यार्थीहरुको उपस्थितिमा उक्त कार्यक्रम सम्पन्न भएको हो।
कार्यक्रमको सहजिकरण भने अखिल क्रान्तिकारी स्वर्गद्वारी बहुमुखी क्याम्पस इकाई कमिटीका सचीव के आर सुनारले गर्नुभएको जिल्ला अध्यक्ष प्रेमबहादुर विश्वकर्माले हामिलाई बताउनुभयो।
