फागुन ७,जनखोजी।स्तन क्यान्सर पीडित फुलमायाँ सुनारलाई सहयोग रकम हस्तान्तरण गरिएको छ।गौमुखी गाउँपालिका-४ पुजा बाग्लिवाङ निवासी दुजमान सुनारकि छोरी फुलमायाँ सुनार स्तन क्यान्सरबाट पीडित भएपछी उक्त सहयोग रकम हस्तान्तरण गरिएको हो।

स्तन क्यान्सर वाट ग्रसित सुनारको बि.पि. कोइराला मेमोरियल क्यान्सर अस्पताल भरतपुर,चितवनमा उपचार भइरहेको र आर्थिक अभावकै कारण उपचारमा ढिलासुस्ती भैरहेको थियो। सोहि गाउँका विदेशी मूलुक दुवई लाई कर्म थलो बनाउदै आउनु भएका प्युठान स्वर्गद्वारी समाज युएईका अध्यक्ष श्री ठगेन्द्र सुनार संरक्षक श्री दुजमान सुनार लगायत सम्पूर्ण गाउँका समाजसेवि एवम् सिङ्गो प्युठानि बासीहरुको पहलमा रकम संकलन गरिएको थियो। सोही संकलन भएको एक लाख एकाउन्न हजार एक सय त्रियासी रुपैया रकम प्युठान स्वर्गद्वारी समाज युएई परिवारका सदस्यहरु लगायत अन्य सहयोगी मनहरुको हात र साथले गर्दा गौमुखी गाउँपालिकाका अध्यक्ष विष्णु गिरीले पीडित सुनार कि बुवा दुजमान सुनारलाई हस्तान्तरण गर्नुभएको छ।

सोही रकम माघ २९ गतेको दिन हस्तान्तरण गरिएको हो। यस सहयोग कर्ममा जोडिनुहुने सम्पूर्णलाई धन्यवाद दिदै प्युठान स्वर्गद्वारी समाज युएईका अध्यक्ष ठगेन्द्र सुनारले आगामेर दिनमा पनि सहयोगी हरुबाट सहयोगको अपेक्षा गरिएको बताउनुभयो। साथै सबैको तर्फबाट पीडित सुनारलाई सिघ्र स्वास्थ्यलाभको कामना गर्दै उपचार सफल भई नर्मल जीवनयापन गर्न सक्ने सहजीकरणको कामना गर्नुभएको छ।