बबिता रिजाल , फागुन १४ प्युठान । स्वर्गद्वारी नगरपालिका वडा नं. १ कोचिवाङ्गमा ६० बर्ष माथिका जेष्ठ नागरिकहरुका लागि एक दिने निःशुल्क आँखा शिविर सम्पन्न भएको छ । सोमबार स्वर्गद्वारी नगरपालिकाको आयोजना तथा तिलगंगा आँखा प्रतिष्ठान ,तिलगंगा सर्जिकल आँखा केन्द्र , राप्ती गाउँपालिका ५ सिसहनियाँ दाङको सहजिकरणमा आँखा जाँच तथा छनौट शिविर सम्पन्न भएको हो ।
उक्त शिविरमा ६० बर्ष माथिका ५५ जना जेष्ठ नागरिकहरुको आँखाको परिक्षण गरिएको हो ।
जसमध्ये १० जना आँखाको विरामीहरुको आँखाको शल्यक्रिया गर्नुपर्ने देखिएको स्वर्गद्वारी नगरपालिकाका नगर प्रवक्ता सुरज संगम सुनारले जानकारी दिनु भयो । साथै सोहि शिविरमा ७० बर्ष माथिका ५ जना जेष्ठ नागरिकहरुको निशुल्क स्वास्थ विमा गरिएको पनि सुनारले बताउनुभयो ।
शिविरमा स्वर्गद्वारी नगरपालिकाका नगर प्रमुख टेकप्रसाद भण्डारी , नगर उपप्रमुख मिनराज राना मगर , निमित्त प्रमुख प्रसासकिय अधिकृत दल बहादुर केसी , वडा नं १ कोचिवाङ्गका वडा अध्यक्ष मेघराज घर्ति , नगर प्रवक्ता सुरज संगम सुनार लगायतको उपस्थिती रहेको थियो ।
