बबिता रिजाल , चैत्र २८ प्युठान । स्वर्गद्वारी नगरपालिका वडा नं. ५ ले आफ्नो वडामा स्क्रिनिङ शिविर सञ्चालन गरेको छ। बिहीबार स्वर्गद्वारी नगरपालिका वडा नं. ५ झोलमा ४० बर्ष माथिका नागरिकहरूको स्वास्थ्य परिक्षणका लागि ३ दिनको लागि स्क्रिनिङ शिविर (स्वास्थ्य परिक्षण) सञ्चालन गरेको स्वास्थ्य व्यवस्थापन समितिका अध्यक्ष तथा स्वर्गद्वारी नगरपालिका वडा नं. ५ का वडा अध्यक्ष गिरबहादुर घर्ती मगरले जानकारी दिनुभयो ।
आज साविककाे वडा नं ७ झोलमा स्क्रिनिङ शिविर सञ्चालन गरिएको र भाेलि ३० गते शुक्रबार साविककाे वडा नं ९ डाफेधारामा स्वास्थ्य परिक्षण सञ्चालन गरिने पनि घर्तीले बताउनुभयो ।
स्वास्थ्यकर्मीहरुकाे टाेलिले आज ५० जना विरामिहरुकाे मधुमेह ( सुगर ) , उच्चरक्तचाप (प्रेसर), र मिर्गौला परिक्षण गरिएकाे छ ।
जिल्ला तथा पालिकाकाे कार्यक्रममा सुगम क्षेत्रका नागरिकले मात्र स्वास्थ्य सेवा पाउने भएकोले दुर्गम क्षेत्रका नागरिकहरुकाे स्वास्थ्य सेवामा पहुँच पुर्याउने उद्देश्यले वडा मार्फत शिविर सञ्चालन गरेको स्वास्थ्य व्यवस्थापन समितिका संयाेजक तथा स्वर्गद्वारी नगरपालिका वडा नं. ५ का वडा अध्यक्ष गिर बहादुर घर्ती मगरकाे भनाइ छ ।
स्वर्गद्वारी नगरपालिका वडा नं. ५ काे आर्थिक सहयाेग र सारी स्वास्थ्य चौकी सारीकाे आयाेजनामा शिविर सञ्चालन गरिएको हाे ।
