प्यार अलि खान
प्रथम प्यूठान माण्डवी सांस्कृतिक महोत्सवमा चर्चित लोक तथा दोहोरी गायक रामजी खाँणको प्रस्तुतिमा मंगलबार प्यूठानी
दर्शकहरु रमाएका छन्।
चैते दशैंको दिनमा रामजीले आफ्ना चर्चित गीतहरू पस्कँदै मेलामा उपस्थित सबै उमेर समूहका दर्शकहरुलाई नचाएका थिए। रामजी दर्शक दीर्घामै पुगेर हात मिलाउँदै दर्शकलाई मनोरञ्जन दिन कुनै कसर बाँकी राखेनन्।
मंगलबार प्रत्यक्ष दोहोरी गायिकाको रूपमा चिरपरिचित जालुमायाँ गुरुङले पनि आफ्नो प्रस्तुती राखेकी थिईन्। मेलामा चर्चित नृत्यांगना नारायणी खत्रीले आफ्नो प्रस्तुति राखिन्। निलो सारी ब्लाउज पहिरनमा उत्रेकी खत्रीको प्रस्तुतिले मेलामा उपस्थित सबै दर्शकहरुको ध्यान खिच्न सफल रहिन्।
मेलामा प्रथम प्यूठान माण्डवी डान्स आइडल २०८० का सहभागी स्थानीय कलाकारहरुको समेत बेजोड प्रस्तुति रहेको थियो।
त्रिवेणी सामुदायिक ग्रामिण विकास संस्थाको मुख्य आयोजनामा माण्डवी – १ अरङखोलामा संचालित मेला बैशाख ९ गतेसम्म चल्ने छ।

मेलामा आज चर्चित गायिका जानकी तारामी मगर, लोक तथा दोहोरी गायक शक्ति चन्द, राशी रिजालको प्रस्तुति रहने मेला व्यवस्थापक इमान बिष्टले जानकारी गराएका छन्। भोलि ७ गते सुप्रिम मल्ल, मोडेल आरुसी मगर लगायतका कलाकारहरु आउने कार्यक्रम रहेको आयोजकले जनाएको छ।