ऐरावती गाउँपालिकाले केन्द्रीय सरकारले ०७८/०७९ को बजेटमा भने बमोजिमको तलब भत्ता उपलब्ध नगराएको भन्दै आज ज्ञापन बझाएका हुन । एकीकृत अखिल नेपाल शिक्षक संगठनले बाल विकासका शिक्षक र बिद्यालय कर्मचारीलाई संघिय सरकारले भने बमोजिमको तलव भत्ता उपलब्ध नगराएकोमा घोर आपत्ती
जनाएको छ । संगठनले बाल विकासका शिक्षक र विद्यालय कर्मचारीलाई यथाशीघ्र संघिय सरकारले तोके बमोजिमको तलब भत्ता उपलब्ध गराउन जोडदार माग गरेको र उत्त मागको सुनुवाइ नभएमा आम शिक्षकहरू आन्दोलनमा उत्रिने कुरा एकीकृत अखिल नेपाल शिक्षक संगठनका अध्यक्ष कमल जिसीले जानकारी दिए ।

संघीय सरकारले भने बमोजिम बाल विकासका शिक्षकलाई तलब भत्ता उपलब्ध गराए पनि कक्षा १२ सम्म संचालित मा.वि. तहका बिद्यालय कर्मचारी र कक्षा ३ सम्म संचालित विद्यालयमा कार्यरत विद्यालय कर्मचारीलाई एउटै दरमा तलब भत्ता बनाउने कुरा अव्यावहारिक जस्तो देखिएको गुनासो स्वर्गद्वारी नगरपालिकाका स्रोत व्यक्ति बल बहादुर रोकायले जानकारी दिए ।
आज एकीकृत अखिल नेपाल शिक्षक संगठनका पदाधिकारीहरूले गौमुखी गाउँपालिका , नौवहिनी गाउँपालिका, माण्डवी गाउँपालिका र ऐरावती गाउँपालिकाको कार्यालयमा ज्ञापन पत्र बुझाएका छन ।