जनखोजी प्युठान ६ जेठः शैक्षिक क्षेत्र सुधार कार्ययोजना निर्माणका लागि माण्डवी गाउँपालिकाका विद्यालयमा अन्तरक्रिया कार्यक्रम गरिएको छ ।
आइतबार माण्डवी गाउँपालिकाको तिघ्रा स्थित बागिश्वरी मा विमा अभिभावक शिक्षक र गाउँपालिका वीच छलफल सम्पन्न भएको हो । कार्यक्रममा माण्डवी गाउँपालिका अध्यक्ष नमराज अधिकारी ‘रोसन’ले अभिभावक शिक्षक र सरोकारवालाहरु सबैको हातेमालोबाट बिधालय र शिक्षा क्षेत्रलाई व्यवस्थित र चलायमान बनाउन सकिने बताउनु भयो । गाउँपालिका अन्तरगत संचालित सामुदायीक विद्यालयहरुको स्थलगत स्थिति विश्लेषण तथा विद्यालयको समग्र बस्तुस्थिति विश्लेषण सम्बन्धी सरोकारवालहरुसंग छलफल तथा सुझाव संकलन कार्यक्रम अध्यक्ष अधिकारीले यस्तो बताउनु भएको हो ।
कार्यक्रममा गाउँपालिका अध्यक्ष नमराज अधिकारी ‘रोसन’,उपाध्यक्ष पुर्ण प्रसाद कालाथोकी,प्रमुख प्रसाशकीय अधिकृत प्रकाश पाण्डे,पुर्व शिक्षा बिकास तथा समन्वय प्युठानका प्रमुख शिवराज पण्डित,२.नं वडा अध्यक्ष तथा सामाजिक बिकास समितिका संयोजक प्रकाश वली,३नं वडा अध्यक्ष धनेन्द्र कार्की,४नं.वडा अध्यक्ष डिल बहादुर घर्ती ,५ नं.वडा अध्यक्ष दुर्गा प्रसाद आचार्य ,गाउँपालिका शिक्षा शाखा प्रमुख तुल्सी कार्की,जनप्रतिनीधि लगायतको उपस्थितिमा छलफल तथा सुझाव संकलन भएको छ,कार्यक्रममा माण्डवी–५रम्दीका बागेश्वरी मा.वि,नेरा आ.वि जुजनेटा,खड्क प्रा.वि चीन, ज्योति प्रा.वि चकचके,माण्डवी-३ को भवानीश्वरी आ.वि जस्पुरका विद्यालय व्यवस्थापन समिति,शिक्षक अभिभावक संघ,विद्यालयका संस्थापक,जग्गादाता,चन्दादाता,अभिभावक,बुद्धिजीवि,समाजसेवी,शिक्षाप्रेमी,राजनैतिक दलका प्रतिनीधि र सरोकारबालाहरुको उपस्थितिमा छलफल भएको थियो । बिधालयको भौतिक अबस्था, पठनपाठन,शैक्षिक गुणस्तर, लगायतको विषयमा छलफल भएको थियो ।
यसै गरि माण्डवी–५ रम्दीमा ज्येष्ठ नागरिक मिलन कार्यक्रम एव जेष्ठ नागरिक र बालबालिकाहरु बीच अन्तरपुस्ता सिप हस्तान्तरण कार्यक्रम सम्पन्न गरेको छ । कार्यक्रमले राजकुमार मल्लको संयोजकत्वमा वडा स्तरीय ज्येष्ठ नागरिक संजाल गठन गरेको छ ।
जेष्ठ नागरिक र बालबालिकाहरु बीच अन्तरपुस्ता सिप हस्तान्तरण सुन्नानीबागेश्वरी मा.वि रम्दीका कक्षा ८ का विद्यार्थी र गाउँपालिका स्तरीय ज्येष्ठ नागरीकहरु पदाधिकारीहरु बीच अनुभव आदनप्रदान र अन्तरक्रिया भएको थियो । कार्यक्रममा गाउँपालिका अध्यक्ष,उपाध्यक्ष,जनप्रतिनिधि , महिला तथा बालबालिका शाखा प्रमुख सीता गौतम,गाउँपालिका कर्मचारी दाम बहादुर कार्की,जेष्ठ नागरिक सरोकारवाला लगायतको उपस्थिति रहेको थियो ।
