बबिता रिजाल, असार ११ प्युठान । स्वर्गद्वारी नगरपालिका ४ मा रहेको इलाका प्रहरी कार्यालय भिङ्ग्री `क´ वर्गमा स्तराेन्नत्ति हुने भएको छ । स्वर्गद्वारी नगरपालिका कार्यपालिकाको विशेष पहल तथा नगर प्रमुख टेक प्रसाद भण्डारीकाे विशेष सक्रियतामा इलाका प्रहरी कार्यालय भिङ्ग्री `ख´ वर्गबाट `क´ वर्गमा स्तराेन्नत्ति हुन लागेको हाे ।
स्तराेन्नत्तिका लागि प्रहरी प्रधान कार्यालय काठमाडौंले सिफारिस गरि गृह मन्त्रालयमा पत्र पठाइसकेकाे स्वर्गद्वारी नगरपालिकाका नगरप्रमुख टेक प्रसाद भण्डारीले जानकारी दिनुभयो । गृह मन्त्रालयबाट स्वीकृत हुनासाथ `क´ वर्गमा स्तराेन्नत्ति हुनेछ । प्रहरी प्रधान कार्यालयबाट गएको सिफारिस गृह मन्त्रालयले केही दिनमै स्वीकृत गर्नेछ ।
गृह मन्त्रालयबाट स्वीकृत भए पश्चात् स्वर्गद्वारी नगरपालिका प्यूठानमा इन्स्पेक्टर (प्रहरी निरीक्षक ) को आगमन हुनेछ ।
नगरप्रमुख भण्डारीले भन्नू भयो ,”अहिले पनि सुशासन , प्रशासन तथा सामाजिक सेवामा राम्रो भुमिका निर्वाह गरिरहेको इलाका प्रहरी कार्यालयले इन्स्पेक्टरको आगमन भएसङ्गै झन व्यवस्थितसङ्ग कार्य हुनेछन ।”
यस्तै स्तराेन्नत्ति भए सँगसँगै स्वर्गद्वारी नगरपालिका वडा नं. १ काे अस्थायी प्रहरीचाैकि काेचिवाङ , वडा नं. २ काे अस्थायी प्रहरी चाैकि खाल र वडा नं. ९ काे अस्थायी प्रहरी चाैकि लामाचाैर स्थायी प्रहरी चाैकिमा परिणत हुने नगरप्रमुखले बताउनु भयो ।
