प्युठान, १७ असार (जनखोजी), प्युठान स्थित लायन्स क्लवहरुको संयुक्त आयोजनामा सहीद स्मृती पार्कमा बृक्षारोपण कार्यक्रम सम्पन्न गरिएको छ ।
लायन्स क्लव इन्टरनेशनल डिष्ट्रिक्ट ३२५ एन नेपाल लायन्स क्लव अफ प्युठान, लायन्स क्लव अफ भित्रिकोट र लायन्स क्लव अफ हरी ओमको संयुक्त आयोजनामा सोमबार १०० गोटा गलमोहर लगायत फुलजन्य रुखहरुका विरुवा रोपिएको लायन्स क्लव अफ भित्रिकोटका अध्यक्ष महेश कक्षपतीले जानकारी दिनुभयो ।
लायन्स क्लवले यस २०२३ देखि २५ लाई हेप्लपिगं पिपुल, चेन्ज लाइभ्सको नारा तय गरेको छ । यो अवधिको लागि केही दिन अघि छनौट भएका नेतृत्वहरुको कार्यकाल शुरु हुने दिनको अवसरमा कार्यक्रम गरिएको लायन्स क्लवका सल्लाहकार अर्जुन कुमार कक्षपतिले जानकारी दिनुभयो । उहाँका अनुसार अनुसार लायन्स अन्र्तराष्ट्रियको नियमित कार्यक्रम अनुसार क्लवहरुले प्रत्येक वर्ष बृक्षारोपण कार्यक्रम गर्दै आएका छन ।
आजको कार्यक्रममा लायन्स क्लवका सम्पूर्ण सदस्य तथा प्युठान नगरपालिकाका पूर्व नगरप्रमुख अर्जुन कुमार कक्षपति, नेकपा(माके)का अध्यक्ष प्रभात के.सी., सामाजिक अभियन्ता लोक बहादुर बस्नेत, महेश कक्षपती, उमाराम पौडेल, क्याम्पसका उपप्रध्यापक बालकृष्ण भट्ट, नविन कुमार श्रेष्ठ, राम प्रसाद पोख्रेल, अरुण कुमार श्रेष्ठ, नित्यान्द आचार्य, हेमराज आचार्य, सुर्यचन्द्र घर्ति, सुर्यचन्द्र खनाल, लगायतको उपस्थिती रहेको थियो ।
बिरुवाहरु डिभिजन वन कार्यालयले सहयाेग गरेकाे थियाे । सहिद पार्क व्यवस्थापन समितीले खाडल तयार पारेकाे थियाे ।
