साउन ३,बुटवल (जनखोजी):अखिल (क्रान्तिकारी) प्युठान-रुपन्देही सम्पर्क मञ्चको प्रथम ऎतिहासिक सम्मेलन बुटवलमा सम्पन्न भएको छ।सम्पर्क मञ्चका संयोजक दिनेश महतरा क्षेत्रीको अध्यक्षतामा सञ्चालन भएको उक्त कार्यक्रममा अखिल (क्रान्तिकारी) प्युठानका अध्यक्ष प्रेमबहादुर विश्वकर्माको प्रमुख आतिथ्यता, अखिल (क्रान्तिकारी) बुटवल बहुमुखी क्याम्पस मूल ईकाई कमिटीका अध्यक्ष शिव खबासको विशेष आतिथ्यता,अखिल (क्रान्तिकारी) प्युठानका सहसचिव केआर सुनारको आतिथ्यतामा सम्पन्न भएको हो।
कार्यक्रममा बोल्दै प्रमुख अतिथि तथा प्युठान अध्यक्ष प्रेमबहादुर विश्वकर्माले शुभकामना मन्तव्य राख्दै अन्तरजिल्ला अध्ययन गर्ने विद्यार्थीहरुलाई सम्पर्क मञ्चले समन्वयकारी भूमिका खेल्ने बताए। विश्वकर्माले सांगठनिक पृष्ठभुमिबारेसमेत प्रष्ट पारेका हुन।उनले भने,’ हाम्रो संगठन नैतिक रुपमा अन्य संगठन भन्दा फरक हुनुपर्छ।’
सम्मेलनले दिनेश महतरा क्षेत्रीको नेतृत्वमा १५ सदस्यीय समिति गठन गरेको छ। उक्त समितिको उपाध्यक्षमा किरण एम.सि,राधिका केसी,सचिव हुमेश विश्वकर्मा,सहसचिव त्रीविक्रम कँवर र कोषाध्यक्ष अनमोल बिसी रहेका छन भने १० जना सदस्यहरु निर्वाचित भएका छन्।
उक्त कार्यक्रमको सञ्चालन किरण एम.सी ले गरेका हुन् भने स्वागत मन्तव्य हुमेश विश्वकर्माले राखेका हुन्।बुटवल बहुमुखी क्याम्पसको लाईब्रेरी हलमा सम्पन्न भएको उक्त सम्मेलनमा २५ जना बढी प्युठानबाट रुपन्देहीमा अध्ययन गर्दै आएका विद्यार्थीहरुको उपस्थिति रहेको थियो। सम्मेलनमा गुल्मी,अर्घाखाँची,रोल्पा,बाग्लुङ लगायतका विद्यार्थीहरुको समेत उपस्थिति रहेको थियो।
