साउन ५,बुटवल (जनखोजी):अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) रुपन्देही स्थित बुटवल बहुमुखी क्याम्पस मुल ईकाई समितिले छात्रा भेला तथा सांस्कृतिक कार्यक्रम शुक्रवार सम्पन्न गरेकाे छ ।भेलाले सिर्जु आचार्यको नेतृत्वमा ३४ सदस्यीय समिति निर्माण गरेको छ।
“सम्पुर्ण बामपन्थी प्रगतिशिल देशभक्ति तथा जनतान्त्रिक विद्यार्थीहरु एकजुट हाै “भन्ने मुल नारा सहित भव्य रुपमा सम्पन्न गरेको हो।मूल ईकाई कमिटीका अध्यक्ष शिव खबासको अध्यक्षतामा सञ्चालन भएको कार्यक्रममा माओवादि केन्द्रका लुम्बिनी प्रदेशका लुम्बिनी प्रदेश सदस्य तथा पूर्व सांसद दिपा बिकको प्रमुख आतिथ्यता,प्रदेश सदस्य टीका वलिको विशेष आतिथ्यता,छात्रा बिभाग केन्द्रिय सदस्य रिया बस्नेत, अखिल (क्रान्तिकारी) लुम्बिनी प्रदेश उपाध्यक्ष अम्बिका परियार,प्रदेश सदस्य ज्योति थापा लगायतको आतिथ्यता रहेको थियो।
कार्यक्रमा बाेल्दै पूर्व सांसद बिकले यो देशको परिवर्तनका निम्ति ५० प्रतिशत महिलाहरु जनयुद्धमा होमिएकै कारण लामो सङ्घर्ष पछि मात्रै समाबेशी समानुपातिक प्रणाली आएको बताईन।उनले भनिन, ‘ अहिले यो देशको राष्ट्रपति महिला बन्ने व्यवस्था पनि माओवादीको त्याग र बलिदानीले आएको हो।
त्यस्तै प्रदेश सदस्य टिकावलीले अहिले सबै महिलाको लागी बनेको यो व्यवस्था महिलाकै बलिदानीले आएको बताउदै संबिधानमा सुनिश्चित भएको हाम्रो हक अधिकारका लागी हामी सधै लागीरहनुपर्ने बताईन ।
मूल ईकाई कमिटीका अध्यक्ष शिव बहादुर खवासले बिगतका दिनहरुमा पनि विद्यार्थीका हरेक समस्या समाधान गर्दै अखिल क्रान्तिकारी अगाडि बढिरहेको बताउँदै अगामी दिनमा पनि क्याम्पसमा विद्यार्थी अनकुलका बिभिन्न सृजनात्मक र रचनात्मक कार्यहरु गर्दै अगाडि बढ्ने प्रतिबद्ध व्यक्त गरेका हुन् ।
उक्त छात्रा भेलाले बुटवल बहुमुखी क्याम्पस कमिटी ईकाइकाे छात्रा बिभाग प्रमुखमा सिर्जु आचार्यको नेतृत्वमा ३४ सदस्यीय विभाग गठन गरेको छ । उपप्रमुखमा भावना रेग्मी ,बिमला पाेखरेल, सुस्मिता केसी ,शुसिला भण्डारी,सपना जिसी, सम्झना ज्ञवाली रहेका छन भने सचिव पदकाे लागी सपना पुरी सहसचिवमा गोमा भण्डारी ,दिपिका न्यौपाने,कृष्ण विक रहेका छन भने त्यस्तै सदस्य जुना नेपाली, मनिषा पाण्डे, सृजना खरेल लगायत ३४ सदस्य रहेका छन।
कार्यक्रमको सञ्चालन समितिका सचिव किरण महतराले गरेका हुन भने स्वागत मन्तव्य उपाध्यक्ष सपना फुल्देलले राखेकी हुन।
