प्युठान, २० साउन ः प्युठान नगरपालिका–३ का वेगम नेपाली भारतमा नोकरी गरी फर्केर सामान्य कृषि पेशामा थिए । कमजोर आर्थिक स्थितीका बाबजुद पनि आफ्नो खर्च कटाएर सानिमा रिलायन्स लाइफ इन्स्योरेन्स कम्पनि लि. जुम्री शाखामा ३ लाखको बीमा गरे ।
२०८० पुस २९ मा बीमा बनाएर अर्धवार्षिक किस्ता रु १७ हजार बीमा तिरेर बिमा गराएको तीन महिना नपुग्दै मृत्यु भयो । सामान्य कालगतिले मृत्युभएका उनको परिवारलाई आइतबार बीमा कम्पनिले दाबी भुक्तानी गरेको छ । प्युठान नगरपालिकाका नगर प्रवक्ता तथा वडा नं. ३ का वडा अध्यक्ष सुमनराज श्रेष्ठ,सानिमा रिलायन्स लाइफ इन्स्योरेन्स कम्पनि लि.का शाखा प्रबन्धक सिमान्त न्यौपाने, कर्मचारी दिपक आचार्यले घरमै पुगेर रु ३ लाख १ हजार ७५० दावी नेपालीकी श्रीमती राधा नेपालीलाई भुक्तानी गरेका हुन् ।
एक छोरा र एक छोरी रहेको परिवारमा बीमाले आर्थिक व्यवस्थापनमा राहत पुगेको राधा नेपालीले बताइन ।
त्यसैगरी प्युठान नगरपाकिा–३ का वडा अध्यक्षले बीमा गरेका बीमितहरुको घरमै पुगेर दावी भुक्तानी गरेकोमा बीमा कम्पनिलाई धन्यवाद व्यक्त गर्दै बीमा गर्दा दावी भुक्तानी नहुने, बीमा कम्पनिहरुले ठग्छन कि भन्ने नागरिकको शंकाको अन्त्य भएको बताए ।