अनुज पछाई, प्यूठान 
प्यूठान जिल्लामा बिजुली बत्ति बल्न थालेको करिब २० बर्ष पुगिसकेको छ । जिल्लामा बिजुली बत्ति बल्न थालेसंगै स्वर्गद्धारी नगरपालिकामा पनि बिद्युत को सेवा पुगेको थियो । घर नजिकै करिब १०० मिटर पर मात्र बिद्युत प्रसारणको पोल छ । वरिपरिका घर उज्यालो हुदा स्वर्गद्धारी नगरपालिकाको एक घर परिवारले भने टुकि बत्ति र दियालोको सहारामा गुजारा चलाइरहेका थिए । यो अबस्था बिद्युत सेवा नपुगेर भने होइन । आर्थिक अबस्था कमजोर हुदा स्वर्गद्धारी नगरपालिका –८ का जङग बहादुर खत्रीले २० बर्ष पहिले देखेको बिजुलि बत्ति बाल्ने सपना स्थानिय पत्रकार तथा शिक्षक पदम बहादुर केसीले पुरा गर्दिएका छन ।
“अरुको घरमा उज्यालो हुदा मलाइनि बिजुली बाल्ने रहर आउथ्यो” उनले भने – “पैसा नभएर आफ्नो सपना मनभित्रै सङगालेर राखेको थिए ।”
पत्रकार तथा र शिक्षक केसीले आफ्नो पहलमा खत्रीको घरमा बिद्युत सेवा पुयाउन सफल भएका छन । “लामो समयदेखिे घरमा अध्यारो देख्थे , घरमा गएर बुभ्दा आर्थिक अभाबको कारणले बिद्युत जोडन नसकेको कुरा थाहा पाए” केसीले भने– “बुटवल पावर कम्पनि दारिमचौरसंगको सहकार्यमा सेवा गर्ने मौका पाउदा खुशि लागेको छ ।”बुटवल पावर कम्पनि दारिमचौरको कार्यालयले १ सय मिटर कालो तार उपलब्ध गराएको पत्रकार केसीले बताए । बिद्युत जोडदा आबस्थक्ता पर्ने अन्य सम्पूर्ण वाइरिङ सामग्री , मिटर बक्स तथा बल्बहरुमा पत्रकार केसीले आफ्नो ब्यक्तिगत खर्च गरेका छन ।
लामो समयदेखि घरमा विजुली बत्ति बाल्ने सपना पुरा हुदा खत्री परिवारले खुशि ब्यक्त गर्दै पत्रकार केसीलाई धन्यबाद ब्यक्त गरेका छन ।
आफुले गरेको कार्यमा सकारात्मक प्रतिकृयाका साथ सहयोग गरेकोमा बुटल पावर कम्पिनिलाई पत्रकार केसीले आभार ब्यक्त गरेका छन ।