प्युठान, जीप दुर्घटना हुँदा दुई जना गम्भीर घाइते भएका छन् । नौबहिनी गाउँपालिका–८ लुप्लुङमा मंगलवार विहान जीप दुर्घटना भएको हो ।
दाङको तुलसिपुरबाट प्यूठानको नौबहिनि गाउपालिकामा सिरक डसना बोकेको भे १ ज १३४१ नम्बरको पिकअप जीप मंगलबार बिहान नौबहिनी गाउपालिकाको तल्लो आरनमा दुर्घटना परेको जिल्ला प्रहरी कार्यालय प्यूठानले जनाएको छ ।
दुर्घटनामा घाइते हुनेहरुमा दाङ तुलसिपुर निवासी बर्ष ३८ का कृष्ण सोडकार र भारतको रक्सोल घर बताउने बर्ष २४ का आशिक आलम रहेको जिल्ला प्रहरी कार्यालय प्यूठानले जनाएको छ ।
जीप सडकदेखि २०० मिटर तल खसेको छ । घाइते २ जनाको जिल्ला अस्पताल बिजुवारमा उपचार भइरहेको छ । दुर्घटनाको कारण भने खुल्न सकेको छैन ।