प्युठान, नेपाल कम्युनिस्ट पार्टी(माओवादी केन्द्र) लुम्बिनी प्रदेश सचिवालय सदस्य एवम् प्युठान जिल्ला संयाेजक कृष्ण अधिकारी(प्रकाश)ले अरू राजनीतिक दलमा भाडभैलाे हुँदा माओवादी केन्द्रमा नयाँ उभार सहित  चट्टान बनेकाे दावी गरेका छन् ।
बुधबार नेपाल कम्युनिस्ट पार्टी (माओवादी केन्द्र) नाैबहिनी गाउँपालिकाकाे प्रथम बैठक तथा प्रशिक्षण कार्यक्रममा बाेल्दै प्रकाशले साे दावी गरेका हुन् । उनले माओवादी इतर दलमा अराजकता, भाडभैलाे, हानाहान हुँदा माओवादी केन्द्रमा नयाँ आकर्षण बढेकाे बताए । जिल्लाका सबै स्थानीय तहकाे साैहार्द र भव्य रूपमा अधिवेशन सम्पन्न गरेकाे भन्दै प्रदेश र संघमा पनि विचार, नयाँ बाटाे सहितको नेतृत्व चयन हुनेमा विश्वास दिलाए । त्यसैगरी  माओवादी केन्द्र लुम्बिनी प्रदेश कमिटी सदस्य पुनाराम थापा हिमालले जनताकाे पार्टी माओवादी केन्द्र भएकोले जनतामा माओवादी नेता कार्यकर्ताहरू पुग्ने र उनीहरूलाई गाेलबन्द गर्ने काममा लाग्न निर्देशन दिए ।