जनखोजी समाचारदाता
प्युठान(२०७८ पुस १७) , नेपाल कम्युनिस्ट पार्टी(माओवादी केन्द्र) प्युठान नगरपालिका–३ विजयनगर संगठन कमिटिको पार्टी कार्यालय स्थापना भएको छ । गाउँको सापडाँडामा पार्टीको कार्यालय स्थापना गरिएको हो ।
पार्टीका नगरकमिटि सचिव सुमनराज श्रेष्ठका अनुसार कार्यालय स्थापना भएसंगै वडा कमिटीका अध्यक्ष शिव बहादुर नेपालीले पदभार ग्रहण गरेका छन् । कार्यालय स्थापना भएसंगै पार्टीका आन्तरिक गतिविधि र कामकारबाही कार्यालयबाट नै गरिने भएको छ भने पार्टी कार्यालयको उदघाटन एकसाता पछि गरिने माओवादी केन्द्र प्युठान नगरपालिका–३ विजयनगर संगठन कमिटिकाले जनाएको छ।