जनखोजी समाचारदाता
प्युठान, प्रजातान्त्रि पार्टी नेपाल काँग्रेसमा गाउँपालिकाको सिंगो टिमले आफ्ना केन्द्रीय सदस्यको हरेक कार्यक्रमको सामुहिक बहिष्कार गर्ने निर्णय गरेको छ । नेपाली काँग्रेस नौबहिनी गाउँपालिका समितिले पार्टीको बैठकबाट नेपाली कांग्रेस नेता डा. गोविन्दराज पोखरेललाई नौबहिनीका हरेक कार्यक्रमबाट बहिष्कार गर्ने निर्णय गरेको जनाएको छ ।
गाउँपालिका समितिका सभापति देविराम पुनमगरको अध्यक्षतामा शुक्रबार बसेको बैठकले सो निर्णय गरेको निर्णय पुस्तिका समेत सार्वजनिक गरिएको छ । बैठकको निर्णय नं. ५ मा ‘प्रस्तुत विषय माथि छलफल गर्दा प्युठान जिल्ला नेपाली काँग्रेसको १४ औं महाधिवेशनको शिलशिलामा सभापतिको निर्वाचन सम्पन्न पश्चात मतगणना जारी रहेकै अवस्थामा सभापतिको उम्मेद्वार बाहिर गएको अवस्थामा उम्मेद्वार शिवराज रिजालको तफृबाट मतगणना खटिएका गणकहरुले उम्मेद्वार भित्र आई सकेपछि मतगणना शुरु गरौं भनि रोक्न खोज्दा प्रहरी प्रशासनले उहाँप्रति अमावीय व्यवहार गरेको कुरा बाहिर काँग्रेस जिल्ला स्तरका कार्यकर्ता तरुण यूवाहरुले थाहा पाएपछि के भएको हो भनि बुझ्न खोज्दा सुरक्षामा खटिएका प्रहरी र काँग्रेस कार्यकर्ता माथी निर्ममा कुटपिट , गोली चलाई घाइते अस्पतालको बेडमा छट्पटाई रहेको अवस्थामा जिल्ला पार्टी नेतृत्व र काँग्रेस केन्द्रीय सदस्य समेत रहेका प्रा.डा.गोविन्दराज पोखरेल मुख दर्शक मात्र रहेका, उल्टै कार्यकर्तालाई आतङ्ककारीको संज्ञा दिई प्रेस विज्ञप्ती जारी गरेको निन्दनीय कुराले हामी नौबहिनीबासी लगायत सम्पूर्ण जिल्लाबासी दुःखी छौं । यस्तो किसिमका निर्दयी पक्षपाती कार्यकर्तालाई सहानुभुतीसम्म दिन नसक्ने नेता प्रा.डा.गोविन्दराज पोखरेल प्रति घोर आपत्ती जनाउँदै नौबहिनी गाउँपालिकाको कुनै पनि कार्यक्रमा उपस्थित हुन नदिने गरी बहिस्कार गर्ने कुरा नौबहिनी गाउँपालिकाको कार्यसमितिे सर्वसम्मत् बाट निर्णय गरियो ।’ लेखिएको छ ।