जनखोजी समाचारदाता
प्युठान, निर्माण व्यवसायी संघ प्युठानकाे दशोैं अधिवेशनमा धादली गरेकाे भन्दै माओवादी निकट नेपाल राष्ट्रिय निर्माण व्यवसायी संगठन प्युठानले बिराेध सहित बहिस्कार गरेकाे छ ।
संगठनले विज्ञप्ति निकाल्दै “वार्षिक साधारण सभा उद्घाटन पश्चात नेतृत्व छनोट प्रक्रियामा  आम निर्माण व्यवसायीहरुलाई समेटेर व्यवसायीहरुको हक अधिकार सुनिश्चिताको साथै समृद्ध प्युठान बनाउने र सबैलाई समेटेर लैजाने हाम्रो चाहना थियो । तर व्यवसायीहरुको अधिकार भन्दा दलीय स्वार्थले बन्द कोठाको काल कठोरीबाट आम व्यवसायीहरुलाई बन्दक बनाई सिमित व्यक्ती र सिमीत दल हाबी भएको साथै आस्थाका कारण हामिहरुलाई जबरजस्त बाईपास गरिएको छ ” भनेकाे छ।
प्रेस वक्तव्यकाे पूर्ण पाठ
निर्माण व्यवसायी संघ प्युठानको दशोैं वार्षिक साधारण सभा तथा पाचोैं अधिवेशन चलिरहेको आम निर्माण व्यवसायी तथा शुभचिन्तक शुभेच्छुक सम्पूर्णमा अवगत नै छ ।
वार्षिक साधारण सभा उद्घाटन पश्चात नेतृत्व छनोट प्रक्रियामा  आम निर्माण व्यवसायीहरुलाई समेटेर व्यवसायीहरुको हक अधिकार सुनिश्चिताको साथै समृद्ध प्युठान बनाउने र सबैलाई समेटेर लैजाने हाम्रो चाहना थियो ।
तर व्यवसायीहरुको अधिकार भन्दा दलीय स्वार्थले बन्द कोठाको काल कठोरीबाट आम व्यवसायीहरुलाई बन्दक बनाई सिमित व्यक्ती र सिमीत दल हाबी भएको साथै आस्थाका कारण हामिहरुलाई जबरजस्त बाईपास गरिएको हुँदा आम निर्माण व्यवसायहरुको भविश्य लाई ख्याल गर्दै यो अधिवेशन र नेतृत्व छनोट प्रक्रीयाको सबै गतिवीधिलाई बहिस्कार गर्दै बाहिर रहने उद्घोष गरेका छौ ।
जिल्लामा निर्माण व्यवसायीहरुले ९९ जनाले मात्र नविकरण गरेको अवस्थामा राष्ट्रिय माहादिवेशनमा प्रतिनीधि बढाउनको लागि धादलि गर्दै ३५२ जना पनि रातारात पुर्याईएको आम व्यवसायीहरुलाई अवगत नै छ ।
अन्त्यमा यस प्रक्रिया बाट बहिस्कार गरि बाहिर निस्कदै गर्दा हामि माथि आस्था र बिस्वास राख्ने निर्माण व्यवसायी साथिहरुमा पुगेको असुविधा प्रति क्षमा प्रकट गर्दै भोलिका दिनमा कसरी जाने भन्ने सन्दर्भमा हाम्रो संगठनको आधिकारिक धारण पस्कने नै छौ ।
………………….                                                …………………
सचिव                                                          अध्यक्ष                                                      बल बहादुर के.सी.                                               केशु गिरी