शशिधर भण्डारी
प्युठान, प्युठान, यहाँका किसानहरु हलेको ग्राहक कुर्दै बस्न बाध्य छन् । प्युठानको नौबहिनी गाउँपालिका–८ फोप्ली गातिनाका आधादर्जन किसानका हलेदोले बजार नपाउँदा चिन्तित भएका छन् ।
स्थानीय गोविन्द प्रसाद सुवेदीको घरमा करिव २ सय ५० के.जि. हलेदो विक्रीमा छ । १ सय ५० के.जी एक वर्ष पुरानो हलेदो भने खनेका छैनन् । गत वर्ष अधेरीखोलाबाट बाटो गातिना पुगेको थियो । मोटरबाटो पुगेपछि जग्गाहरु भिरालो भएको हुँदा त्यहाँ हलेदो खेति गरिएको सुवेदीले जानकारी दिए । ‘जंगली बदेलले सताउन थालेपछि आजित हामीहरु अन्नवालीको विकल्पको खोजिमा थियौं’ सुवेदीले भने ‘हलेदो धेरै मात्रामा लगाएको भएपनि बजार नपाएपछि समस्या भएको छ ।’ सुवेदीले बुधवार सामाजिक सञ्जालमा खरिद गरी किसानको हार गुहार गरेका थिए । उनले गाउँमा थन्किएको हलेदो विक्री गर्न नसक्ने किसानको उदार गर्न आग्रह गरेको बताए ।
अर्का किसान पदम प्रसाद भण्डारीको घरमा पनि २ सय ५० के.जि.मा बढी हलेदो घरमा थन्किएको छ । उनीहरु सहित आधा दर्जना किसानको घरमा ४० देखि ५० के.जि.को दरले हलेदो गाउँमा थन्किएको उनीहरुको गुनासो छ ।