प्युठान, दुर्घटनामा परी मोटरसाइक सवार युवकको आइतबार दिउँसो मृत्यु भएको छ । ना ४ ख ३९९६ नम्बरको यात्रुबाहक बसले माण्डवी गाउँपालिका–३ लामाचौरमा रा ५ प ६८८६ नंबरको मोटरसाईकल दुर्घटना हुँदा मोटरसाईकलको पछाडी बसेका स्थानिय अन्दाजी १८ वर्षिया किरण खनालको मृत्यू भएको जिल्ला प्रहरी कार्यालय प्युठानका प्रमुख, प्रहरी नायब उपरीक्षक सत्यनारायण थापाले जानकारी दिए । खनालको जिल्ला अस्पताल बिजुवारमा उपचारका क्रममा मृत्यु भएको हो।
दाङको भालुबाङबाट रोल्पा तर्फ जाँदै गरेको बससंग साँघुरो बाटोमा जम्काभेट भएपछि नियन्त्रण गर्न नसक्दा मोटरसाईकल नालिमा परेर दुर्घटना भएको स्थानियले बताए । बस र मोटरसाईकल चालकलाई नियन्त्रणमा लिईएको प्रहरीले बताएको छ। मृतकका आफन्तले क्षतिपुर्तिको माग गर्दै जस्पुर–भिङ्री सडकखण्डमा यातायात ठप्प छ ।
मृतकका आफन्तले मोटरसाईकल चालकको रिहाइ र क्षतिपुर्तिको माग गरेका छन ।