जनखोजी संवाददाता
प्युठान, प्युठानमा जन्ती बोकेको जीप दुर्घटना हुदा ८ जनाको मृत्युु भएको छ भने ५ जना घाइते भएका छन् । नौबहिनी गाउँपालिका–६ लुङबाट दुलही लिएर गौमुखी गाउँपालिका–६ आउदै गरेको ग १ ज ५०९२ नम्बर को जिप गौमुखी ६ लिवाङ ओखरपाटामा दुर्घटना हुदा ६ जनाको घटनास्थल मै र २ जनाको प्युठान अस्पतालमा मृत्यु भएको हो जिल्ला प्रहरी कार्यालय प्युठानले जनाएको छ । ५ जना गम्भीर घाइते बिजुवार प्युठान अस्पतालमा उपचारका लागि लिइएको थियो । शनिबार बिहान ३ बजेको समयमा जीप सडक देखि ३०० मिटर तल खोल्सा मा खसेको हो ।
घाइते तथा मृतकको  प्रहरीले उपलब्ध गराएको विवरण हेर्नुहोस ।
मिति २०७८।१०।२२ गते अं.०३ः०० बजेको समयमा जि.प्यूठान लुङ भन्ने स्थान बाट गौमुखी गा.पा ६ ओखरपाटा भन्ने स्थानमा विवाहको बेहुली लिएर फर्कदै गरेको ग.१.ज. ५०९२ नम्बरको महेन्द्रा जिप ऐ. ओखरपाटा भन्ने स्थानमा एक्कासी रोड देखि अं. १५० मिटर तल खसेको र उक्त स्थानमा तत्काल प्रहरी परिचालन भई ७ जना घाईतेको उद्वार गरी उपचारको लागी जिल्ला अस्पताल बिजुवार प्यूठान तर्फ पठाईएको ।
मृतकहरुको नामावली
१. जि.प्यूठान गौमुखी गा.पा.६ लिवाङ बस्ने बर्ष ३९ को बसन्त खड्का (उपचारको क्रममा (मृत्यू ) उनी नेपाली काँग्रेस गौमुखी गाउँपालिकाको उपसभापति हुन् ।
२ ऐ.ऐ बस्ने निजको छोरी बर्ष ११ को एलिसा खड्का । (उपचारको क्रममा (मृत्यू )
३ जिल्ला प्यूठान गौमुखी गा.पा. वडानं. ६ लिवाङ बस्ने बर्ष ३९÷४० की बसन्ती खड्का । (घटनास्थलमा मृत्यु)
४ ऐ.बस्ने बर्ष २९ की केसरी खड्का । (घटनास्थलमा मृत्यु)
५ ऐ.बस्ने बर्ष ५०÷५२ को बल बहादुर बुढामगर । (चालक) (घटनास्थलमा मृत्यु)
६ ऐ.बस्ने बर्ष ३२ को खिम बहादुर खत्री (घटनास्थलमा मृत्यु)
७ ऐ.बस्ने बर्ष ५२ की नन्दी खड्का । (घटनास्थलमा मृत्यु)
८ बर्ष अं. २०÷२२ की महिला नाम सनाखत हुन बाँकी । (घटनास्थलमा मृत्यु)
जिल्ला अस्पताल बिजुवार प्यूठानमा आईपुगेका घाईतेहरु
१. जिल्ला प्यूठान नौबहिनी गा.पा.वडा नं. ६ किमिचौर बस्ने बर्ष २० की रिमा जि.सी. । अवस्था सिरियस । (बेहुली)
२. ऐ. बस्ने बर्ष २५ की साबित्रा जि.सी. चोट अवस्था सिरियस ।
३. जिल्ला प्यूठान गौमुखी गा.पा. वडानं. ६ लिवाङ बस्ने बर्ष १७ को नरेश खड्का । (अवस्था सिरियस ) ।
४. ऐ.बस्ने बर्ष २५ को दान बहादुर खड्का । ( बेहुला) (अवस्था मध्यम )
५. ऐ.बस्ने बर्ष २१ की हरि बुढामगर । ( अबस्था सिरियस )