जनखाेजी संवाददाता
२०७८ फागुन ३, दाङ, दाङ देउखुरीको पाखापानीमा टिप्परको ठक्करबाट एक महिलाको घटना स्थलमै मृत्यु भएको छ । राप्ति गाउँपालिका वडा नं. १ पाखापानीमा टिप्परको ठक्करबाट दूध बेच्न हिडेकी महिलाको मृत्यु भएको हो ।

मंगलवार सवा ६ बजेको समयमा पुर्वबाट पश्चिम जाँदै गरेको रा १ क १२८६ नम्बरको टिप्परले राप्ती गाउँपालिका वडा नं. २ कटेशनाला निवासी ३५ वर्षिय डिला पौडेललाई ठक्कर दिएको थियो ।
मृतक पौडेल साइकलमा दूध बेच्न भालुवाङ जाँदै गरेकी थिइन । घटना पछि मृतकका आफन्त र स्थानीयले सो सडक खण्ड बन्द गरेका छन् । दोषीलाई कारवाही र क्षतिपूर्तिको माग गर्दै बाटो बन्द गरिएको हो । बाटो बन्द भएपछि गन्तव्यमा जान लागेका सवै गाडीहरु रोकिएका छन् ।