जनखोजी समाचारदाता
२०८३ वैशाख ३१
अदुवा बालि प्रशोधन तथा क्याण्डि बनाउने तालिम खलंगामा सम्पन्न भएको छ । राष्टिय कृषि आधुनिकिरण कार्यक्रम, कार्यक्रम कार्यान्वयन एकाई प्यूठानको आयोजनामा भएको तीन दिने तालिमको विहिबार समापन गरिएको छ ।
मंगलबारदेखि सञ्चालन भएको तालिममा अदुवा खेती, प्रविधि, प्रशोधन तथा क्याण्डिको परिचय, बनाउने प्रविधि र तरिकाको बारेमा जानकारी गराईएको कार्यालय प्रमुख चुमान सिँह गिरीले बताउनु भयो ।
यो तालिम आफुहरुका लागि नयाँ भएको सहभागिले बताएका छन् । तीन दिनसम्म चलेको जिल्लास्तरिय तालिमको प्रशिक्षक राष्टिय अदुवावालि अनुसन्धान कार्यक्रम कपुरकोट सल्यानका प्राविधिक सूर्य भुषाल रहनुभएको थियो ।
समापन कार्यक्रममा बोल्दै प्रमुख जिल्ला अधिकारी शान्तिराज प्रसाईले उत्पादनको प्रशोधन र बजारिकरण गरि कृषकको आम्दानी बृद्धि गर्न यस्ता तालिम प्रभावकारी हुने बताउनु भयो । सहभागिको तर्फबाट भनाई राख्दै नविनकुमार श्रेष्ठ र रेखा बस्यालले तालिम आफुहरुको निम्ति निकै फलदायि हुने वताउनु भयो ।
कार्यालय प्रमुख गिरीको अध्यक्षतामा भएको समापन कार्यक्रमको सञ्चालन जयन्ती मल्लले गर्नुभएको थियो ।
