जनखोजी समाचारदाता

सहिद कल्पना गिरी स्मृती प्रथम जिल्लास्तरिय महिला भलिवल प्रतियोगिता स्वर्गद्वारी क्याम्पसमा सुरु भएको छ।
सामाजिक विकास डिभिजन कार्यालयको आयोजनामा सोमबार सुरु भएको खेल नकआउट सिस्टममा खेलाईने छ। पालिका स्तरबाट आएका खेलाडिहरुलाई आवासिय ब्यवस्था गरिएको कार्यालयले बताएको छ।

डिभिजन कार्यालय प्रमुख रामकरन पालको अध्यक्षतामा भएको खेलको उद्घाटन सहिद कल्पनाका बुबा मोहन गिरीले गर्नुभएको थियो।

९ टिमको सहभागिता रहेको खेलमा प्रथम, दोश्रो, तेश्रो र सान्त्वना हुनेलाई क्रमस: २५ हजार, २० हजार, १५ हजार र ५ हजार पुरस्कार ब्यवस्था गरिएको कार्यालयले जनाएको छ।

वर्षाका कारण ढिलो गरि सुरु गरिएको सोमबारको खेलमा मल्लरानी गाउँपालिका र ऐरावती गाउँपालिकाविच प्रतिष्पर्धा हुदा मल्लरानीले जित हासिल पारेको छ।