जनखोजी समाचारदाता
२०८३ वैशाख ३१
प्यूठान नगरपालिका वडा नं. ६ का भुपाल गयल मगर लामो समयदेखि पक्षघात भएर विस्तारामै थलिनुभएको छ । आफ्ना दैनिकी समेत अरुको सहारामा चलाउनुुपर्ने बाध्यतामा रहनुभएका गयल मगरको घरमा बुधबार प्यूठान नगरपालिकाका उपमेयर देवेन्द्र वर्मा सहितको टोलि चिकित्सक लगेर पुग्यो ।
डा. भावना पोख्रेलले सिफारिस गरेपछि अपांगता परिचयपत्र वितरण कार्यविधि २०७८ बमोजिम गठित स्थानीय समन्वय समितिका संयोजक समेत रहनुभएका वर्माले गयललाई ‘क’ वर्गको अपांगता परिचयपत्र हस्तान्तरण गर्नुभयो ।
बुधबार नै प्यूठान नगरपालिका वडा नं. ८ मा पुगेर मेरुदण्ड भाँचिएर थला पर्नुभएका मधु कुमाललाई पनि ‘ख’ वर्गको परिचयपत्र दिईएको छ ।
प्यूठान नगरपालिकाले अशक्तताको कारण परिचयपत्र बनाउन अप्ठ्यारो भएका नगरवासिलाई घरमै पुगेर अपांगता परिचयपत्र वितरण गर्ने गरेको छ ।
‘चिकित्सकको सिफारिसमा स्थानीय समन्वय समितिले परिचयपत्र उपलब्ध गराउँछ’ उपमेयर एवं समितिका संयोजक वर्माले भन्नुभयो–’जनप्रतिनिधिको समन्वयमा निवेदन प्राप्त भएपछि हामि घरमै पुगेर परिचयपत्र वितरण गरेका छौँ । पूर्र्ण अशक्त नगरवासिलाई घरमै पुगेर परिचय पत्र दिने कार्य आगामि दिनमा पनि निरन्तर रहन्छ ।’
