विजय फूलवारी बचत तथा ऋण सहकारी संस्थाले एकीकरण पछिको चौथो स्थापना दिवस विविध कार्यक्रम गरि मनाएको छ।
दिवसका अवसरमा रक्तदान, पत्रकार भेटघाट, वक्तृत्वकला, जेष्ठ सदस्य सम्मान कार्यक्रम आयोजना गरिएको ब्यवस्थापक प्रकाश वैद्यले जानकारी दिनुभयो।

पत्रकार भेटघाट कार्यक्रमलाई सम्बोधन गर्दै सहकारीका अध्यक्ष नेत्रमणी आचार्यले सहकारीले सदस्य केन्द्रित बचत तथा ऋणको कारोवार र सामाजिक उत्तरदायित्वका कार्यक्रम प्रभावकारी रुपमा सञ्चालन गरिरहेको बताउनु भयो।

नेपाल पत्रकार महासंघका अध्यक्ष श्रीराम भण्डारीले विजय फूलबारीले सहकारी क्षेत्रमा उदाहरणिय कार्य गरिरहेको बताउनु भयो।

मोहन सुवेदीले सञ्चालन गर्नुभएको कार्यक्रममा महासंघका पूर्व अध्यक्ष, पत्रकारहरु, सहकारीका पदाधिकारी लगायतको उपस्थिती रहेको थियो।  कार्यक्रममा राधा पुलामिले सहभागिलाई स्वागत गर्नुभएको थियो।