केशर सुनार
प्युठान, बिजुवार । प्युठान नगरपालिकाले आर्थिक रूपमा समस्या भोगिरहेका जेहेन्दार, विपन्न, दलित तथा जनजाति समुदायका विद्यार्थीहरूलाई छात्रवृत्ति तथा अध्ययन सहयोग उपलब्ध गराउने भएको छ।
आज बसेको आर्थिक विकास समितिको बैठकले नगरपालिकाको चालु आर्थिक वर्ष २०८२/०८३ को स्वीकृत वार्षिक कार्यक्रम अन्तर्गत उक्त कार्यक्रम सञ्चालन गर्न लागिएको हो।
त्यस्ता लक्षित वर्गका विद्यार्थीहरुलाई समयमै नगरपालिकामा सम्पर्क गर्नका लागि आर्थिक विकास समिती संयोजक सुमन श्रेष्ठले अनुरोध गर्नुभएको छ। ‘ नगरपालिकामा शिक्षाबाट कोहि वञ्चित हुनुहुदैन त्यस्तो विद्यार्थी भएमा हामिसँग जोडिनुहोला ‘ श्रेष्ठले बताउनुभयो।
नगरपालिकाले सूचना जारी गर्दै छात्रवृत्ति तथा अध्ययन सहयोग लिन इच्छुक विद्यार्थीहरूले आवश्यक कागजातसहित २०८२ चैत ०१ गतेदेखि २०८२ चैत १५ गतेभित्र नगर कार्यपालिकाको कार्यालय, बिजुवारमा निवेदन दर्ता गर्न आग्रह गरेको छ।
यस कार्यक्रममा प्युठान नगरपालिका क्षेत्रभित्र बसोबास गर्ने जेहेन्दार ,दलित, जनजाति तथा विपन्न वर्गका विद्यार्थीहरू सहभागी हुन सक्ने जनाइएको छ।
आवश्यक कागजातहरू :
१. निवेदन
२. कम्तिमा कक्षा १० उत्तीर्ण गरेको प्रमाणपत्रको प्रतिलिपि
३. उपलब्ध भएमा नागरिकता प्रमाणपत्रको प्रतिलिपि
४. सम्बन्धित वडाबाट विपन्न/दलित/जनजाति भएको सिफारिस
५. अध्ययनरत विद्यालयबाट जेहेन्दार तथा अनुशासित भएको सिफारिस
नगरपालिकाकाले आईतबार एक सूचना जारी गर्दै तोकिएको समयभित्र आवेदन दिन सम्बन्धित विद्यार्थीहरूलाई अनुरोध समेत गरेको छ।
