जनखोजी संवाददाता
प्युठान, नेकपा माओवादी केन्द्रको विद्यार्थी संगठन अखिल क्रान्तिकारीले महाधिवेशन सकिएको ७ महिना पछि पदाधिकारीको टुंगो लगाएको छ । क्रान्तिकारीको आज बसेको केन्द्रीय समितिकाको भर्चुतअल बैठकबाट पदाधिकारीको टुंगो लगेको हो । अध्यक्ष पञ्चा सिंह, पूर्वअध्यक्ष तथा माओवादी केन्द्रका केन्द्रीय सदस्य रञ्जित तामाङ र इन्चार्ज हितमान शाक्यले तयार पारेको नाम अध्यक्ष प्रचण्डबाट अनुमोदन भएपछि क्रान्तिकारीको संगठनले पूर्णता पाएको हो । जस अनुसार ४१ सदस्यीय पदाधिकारी सहित २९९ सदस्यीय केन्द्रीय समिति बनेको छ। केन्द्रीय समितिमा थप १ सय पछि मनोनित हुनेछन्। गत असोजमा भएको सम्मेलनमा अध्यक्षमा सिंहलाई चयन गरेको थियो ।
आइतबार घोषणा भएअनुसार महासचिवमा दिपेश पुन चयन भएका छन् । प्युठानका मिलन एमसी उपाध्यक्ष र सुमनराज श्रेष्ठ सचिव बनेका हुन् । उनीहरु सहित उपाध्यक्ष इन्द्र भुसाल, नरेश रेग्मी, जीपी मैनाली, तुकमान महरा, कल्पना मियाँ, प्रबिना अधिकारी, मदन भट्टराई, छितिज सापकोटा, सूर्यनारायण साह, गजेन्द्र देव, पवन कार्की, मदन भुल, नारायण खनाल, अमरजंग शाही छन् । कोषाध्यक्षमा भुषण शाही चयन भएका छन्। अखिल क्रान्तिकारीको केन्द्रिय कमिटी यसअघि १ सय ९९ सदस्यीय हुने भनिएपनि आजको बैठकले २ सय ९९ सदस्यीय हुने निर्णय गरेको छ ।
प्युठानबाट पदाधिकारीमा परेका एमसी र श्रेष्ठ लामो समय देखि विद्यार्थी आन्दोलनमा जोडिएका थिए । यस अधि एमसि उपमहासचिव र श्रेष्ठ सचिवालय सदस्यको जिम्मेवारीमा थिए ।