जनखोजी संवाददाता
प्यूठान, सरुमारानी गाउँपालिका प्युठानले आर्थिक बर्ष २०७९÷८० को निति कार्यक्रम तथा बजेट सार्बजनिक गरेको छ । प्रायः कार्यक्रमहरुलाई निरन्तरता दिँदै केही नयाँ कार्यक्रमहरु सहित पालिकाले निति तथा कार्यक्रम र वजेट सभामा पेश गरेको हो ।
शुक्रबार नीति तथा कार्यक्रम र वजेटमा रू.४६ करोड ४८ लाख ९८ हजारको वजेट पेश भएको हो । गाउँपालिकाका प्रवक्ता चिन्त बहादुर सोमैका अनुसार पेश भएका मुख्य बुँदाहरु यस्ता छन् ।
क. ऐरावति–बडडाडा–जस्पुर–पुठाखोला दाङ सडक स्तर उन्नति गर्ने कार्यलाई निरन्तरता दिईने । ट्रयाक निर्माणमा निरन्तरता दिईने । खानेपानी तथा सरसफाइलाई उच्च प्रथामिकतामा राख्दै एक घर एक धाराको नितिलाई निरन्तरता दिईने । वडा नं.२ र ४ को वडा कार्यलय भवन निर्माण सम्पन्न गरी आगामी आ.ब.बाटै सेवा प्रवाह सुचारू गरिने, सुरक्षित नागरिक आवास कार्यक्रम मार्फत विपन्न नागरिकको घरमा जस्ता पाता लगाउने लक्ष्य लिएको, शुरू गरिए झोलुंङे पुल निर्माण सम्पन्न गर्ने र क्षेत्रगत अन्तरगतका झोलुंङे पुलहरूको आगामी बर्ष थप योजना शुरू गर्ने लक्ष्य लिएको । दिगो विकास लक्ष्यका सुचकलाई सम्वोधन गरिने, २० युनिट भन्दा कम बिधुत खपत गर्ने विपन्न परिवारको शुल्क गाउँपालिकाको तर्फबाट भुक्तानी गरिने र सुचनाको हकको प्र त्याभुति दिलाउन सार्वजनिक सुनुवाइ, सामाजिक परिक्षण जस्ता विधि प्रयोग गर्नु को साथै सुचना तथा तथ्यांक व्यवस्थापन को लागि सुचना केन्द्र स्थापना गरिने ।

त्यसैगरी दर्ता भएका लिफ्ट खानेपानी तथा लिफ्ट सिचाइ समुहलाई बिधुत महशुल ५० प्रतिशत अनुदान, किसान संग गाउँ सरकार र हेफर प्रोजेक्ट नेपाल संगको साझेदारीमा कृषि तथा पशुसेवा संग सम्वन्धित कार्य हरू गरिने । ग बर्ग का अपांगता भएका व्यक्तिहरूलाई शतप्रतिशत भत्ता बृद्वि गरि रू १०००÷–पुरयाईने । छोरि पेवा बचत मासिक रू ४०० उपलब्ध गराईदै आएको रू १०० बृद्वि गरि मासिक रू ५०० पुरयाईने । जनता मा.वि.बड्डाडा लाई स्कुल बस खरिदको लागि अनुदान उपलब्ध गराईने । वडा नं.४ को शिरवारी र वडा नं. ६ को भिगृ खोलामा सामुदायिक स्वास्थ्य ईकाई स्थापना गरि संचालनमा ल्याईने । बडडाडामा १० शैयाको अस्पताल निर्माण गरिने । 👌बांगेसाल स्वास्थ चौकिमा एम.वि.वि.एस.डाक्टर को व्यवस्था गरि स्वास्थ्य सेवा दिइने लगायतका रहेको गाउँपालिकाका प्रवक्ता चिन्त बहादुर सोमैले जानकारी दिए ।