शशिधर भण्डारी
बाँके, सहकारी प्रशिक्षण अव ल्यावबाट हुने भएको छ । लुम्बिनी प्रदेश स्तरीय सहकारी प्रशिक्षालय बाँकेमा कम्प्युटर ल्यावको व्यवस्था मिलाएसंगै सहकारी प्रशिक्षणमा सहजीकरण हुने विश्वास लिइएको छ ।
सोमबार लुम्बिनी प्रदेश सहकारी विकास वोर्डका कार्यकारी उपाध्यक्ष टिकाराम पोख्रेलले उद्घाटन गरेका हुन् । पोख्रेलले ल्यापबाट सञ्चालन भएको तिनदिने कोपोमिस तालिमको समेत उद्घाटन गरेका हुन् ।
उद्घाटनका क्रममा पोख्रेलले प्रयोगात्मक रुपमा कोपोमिसको विषयमा ज्ञान लिएर जिल्लाको सहकारीलाई व्यवस्थापन, सुशासन र पारदर्शीताको लागि कोपोमिसमा अध्यावधिक हुने विश्वास व्यक्त गरे । आ.व. २०७९ असार मसान्तसम्म सूचना प्रणालीको तथ्यांक प्रविष्टी नगरे करचुक्ता प्रमाण पत्र नदिने भएकाले कोपोमसको विषयमा गम्भिर हुन आग्रह गरे । प्रदेश स्तरका सहकारीलाई कोपोमिसको अनिवार्यता गरिएको जानकारी दिए । तालिममा जिल्ला संघका व्यवस्थापकहरुलाई अभिमुखिकरण गरी जिल्लामा सहकारी क्षेत्रमा स्रोत व्यक्तिको रुपमा स्थापित गर्न महत्वपूर्ण भूमिका हुने बताए । साथै अन्य सहकारीलाई पनि क्रमशः गर्दै जाने पोख्रेलको भनाइ छ ।
सहकारी प्रशिक्षालय बाँकेका निमित्त प्राचार्य विनोद पौडेलले पहिलो पटक शैद्धान्तिक र प्रयोगात्मक रुपमा तालिम लिई सहकारी व्यवस्थापन, विकास सुशासन र पारदर्शीता गराउन मुख्य भूमिका खेल्ने विश्वास व्यक्त गरे ।
‘मर्यादित व्यवसाय र प्रविधिमा सहकारी’ भन्ने नाराका साथ सहकारी अध्यक्षता नि. प्राचार्य विनोद कुमार पौडेलको अध्यक्षता र लुम्बिनी प्रदेश सहकारी वोर्डका कार्यकारी उपाध्यक्ष टिकाराम पोख्रेल प्रमुख आथित्यतातमा कार्यक्रम शुरु भएको हो । कार्यक्रमको सञ्चालन सहकारी प्रशिक्षक विश्वलाल खड्का र स्वागत मन्तब्य सहकारी प्रशिक्षक पुर्ण बहादुर खत्रीले गरेका थिए ।
