जनखोजी संवाददाता
प्युठान, माण्डवी गाउँपालिका–३ जस्पुरमा पहिलो पटक एटिएम सेवा शुरु भएको छ । सिभिल बैंकको शाखाले आइतवार देखि एटिएम सेवा सुचारु गरेको हो ।

सेवाको उद्घाटन माण्डवी गाउँपालिकाका अध्यक्ष नमराज अधिकारीले गरेका हुन् । विगत ४ वर्ष देखि शाखा सञ्चालन गर्दै आएको सिभिल बैंकले चार वर्षपछि सेवा सञ्चालनमा लिएको सिभिल बैंक जस्पुर शाखाका प्रमुख राजु खरेलले जानकारी दिए । उनका अनुसार विहान ८ वजेदेखि राती १० वजेसम्म एटिएमबाट ग्राहकले पैसा निकाल्न सक्नेछन् । ‘ग्राहकलाई थप सुबिधा हुने विश्वास लिएका छौं’ खरेलले भने ।