जनखोजी संवाददाता
प्युठान,प्युठानको नौबहिनीमा भएको जीप दुर्घटनामा परी जीप चालक सहित ३ तीन जनाको मृत्य भएको छ । आइतबार साँझ ६ वजे भएको दुर्घटनामा परी गाडी चालक सहित एकै घरका दिदिभाइको मृत्यु भएको जिल्ला प्रहरी कार्यालय प्यूठानले जनाएको छ ।
बाग्दुलाबाट डामृ तर्फ जाँदै गरेको लु १ ज १५४५ नंम्बरको जीप नौबहिनि गा.पा. ६ बाहाने बजार नजिकै घुम्तिमा अनियन्त्रित भइ दुर्घटनामा परेको हो । दुर्घटानमा परी नौबहिनी–५ डामृका रेमसरा बुढामगर कि २५ दिने शिशु चेतना बुढामगर, ४ वर्षीया करुणा बुढामगर र सोही ठाउँ निबासी जिप चालक २५ वर्षीय लुकेश थापाको उपचारको क्रममा जिल्ला अस्पताल बिजुवारमा मृत्यु भएको जिल्ला प्रहरी कार्यालय प्युठानका प्रमुख प्रहरी नायब उपरिक्षक सत्य नारायण थापाले जानकारी दिए ।
घाइतेहरुमा ऐरावती गा.पा.५ खवाङका २८ वर्षीय गोबिन्द के.सि., नौबहिनि गा.पा.–२ लिघाका २६ वर्षीय लक्ष्मी घर्तिमगर, सोही ठाउँका ५२ वर्षीय मिनराम सुनार, ३० वर्षीय दल ब. खत्री, नौबहिनी–१ का २६ वर्षीय ईन्द्र ब. बुढामगर, नौबहिनी गा.पा.–५ का २३ वर्षीय रबिन घर्तिमगर, १८ वर्षीय धनमाला थापामगर, ११ वर्षीय रोशन थापामगर, २८ वर्षीय हुम ब. बुढामगर, २८ वर्षीय मिनराज राना क्षेत्री, ६० वर्षीय दिलसरी बि.क., २२ वर्षीय दिलमाया थापा, ११ वर्षीय रियासा थापा,२५ वर्षीय रेमसरा बुढामगर, ४० वर्षीय गिर बहादुर सुनार र रोल्पा लुङ्ग्री गा.पा. १ की १२ वर्षीय अस्मिता पुनमगर घाइते भएका छन् । १९ सवार जीपमा ३ जनाको मुत्यु र १६ जनाको जिल्ला अस्पताल प्युठानमा उपचार भइरहेको जिल्ला प्रहरी कार्यालय प्युठानका प्रहरी निरीक्षक तथा प्रवक्ता सुशील थापाले जानकारी दिए ।