प्यूठान, प्यूठानका स्थानीय सरकार बेरुजुको चुङगलमा परेका छन् । महालेखा परीक्षकको कार्यालयको प्रतिवेदन अनुसार जिल्लाको सरुमारानी गाउँपालिका गाउँपालिका सबैभन्दा बढी र झिमरुक गाउँपालिकाका सबैभन्दा कम बेरुजु भएका स्थानीय तहमा परेका छन् ।
प्यूठानमा १६ करोड बेरुजु
प्यूठानका ८ स्थानीय तहको रु १६ करोड २५ लाख ७१ हजार बेरुजु देखिएको छ । जिल्लाको सबै भन्दा बढी सरुमारानी गाउँपालिकामा ५।६८ प्रतिशत बेरुजु देखिएको छ । साथै झिमरुक गाउँपालिकाको सबै भन्दा कम ०।१५ प्रतिशत बेरुजु देखिएको हो ।
त्यसैगरी जिल्लामा दोश्रो बेरुजु हुने स्थानीय तह नौबहिनी गाउँपालिका भएको छ । नौबहिनी गाउँपालिकाको रु छ करोड २५ लाख २४ हजार अर्थात प्रतिशत ५।४२ रहेको छ ।
त्यसैगरी स्वर्गद्वारी नगरपालिकाले महालेखा परिक्षकका प्रतिवेदन अनुसार कोभिड–१९ का कारण लेखा तथा स्रेस्ता पेस नभएको कारण लेखापरिक्षण गर्न बाँकी रहेको छ ।

प्युठान अस्पलातमा पनि बेरुजु
प्युठान अस्पताल, विजुवार प्युठानमा पनि बेरुजु देखिएको छ । महालेखा परिक्षक कार्यालयको प्रतिवेदन अनुसार १ ला ३० हजारको बेरुजु देखिएको प्रतिवेदनमा उल्लेख रहेको छ ।