नेत्र खनाल
देउखुरी, देउखुरीको राप्ती गाउँपालिकाका विपन्न परिवारको यस पटकको दशै दशै आएको जस्तै भएको छ । आर्थिक रुपमा कमजोर भएका कारण दशै आउँदा पनि दशा लागे जस्तो हुने राप्ती गाउँपलिका ५ का बेसाहारा पहनु चौधरीले यस पटक भने दशै आए जस्तै भएको बताए । उनले खुशी हुँदै राप्ती गाउँपालिका र त्यसका नेता प्रकाश विष्टलाई मुस्कुराउदै धन्यवाद दिए ।
यस पटकको निर्वाचनमा विजयी भइ राप्ती गाउँपालिकाको अध्यक्ष बनेका प्रकाश विष्टले गाउँपालिकाका विपन्न, बेसहारा र शहिद परिवारहरुलाई यस वर्षको चाडपर्व खर्च प्रदान गरेका छन् । विष्टले विपन्नहरुको घरदैलोमा नै पुगेर चाडपर्व खर्च वितरण गरेका हुन् । प्राय दैनिक हातमुख जोर्न समेत मुस्किल हुने विपन्नहरुलाई गाउँपालिका विष्टले आफुले प्राप्त गर्ने सेवा सुविधाबाट उनीहरूकै घरमै पुगेर खाद्यान्न तथा आर्थिक सहयोग गरेपछि उनीहरू हर्षित भएका हुन ।
विगतका वर्षहरुमा ज्यालादारी गरेर जसोतसो चाडपर्व मनाए पनि यस वर्ष श्रीमान बेलाबेला बिरामी भैरहने र आफुले काम खोज्दा समेत वृद्धा उमेरमा काम गर्न नसक्ने भन्दै कसैले काम नदिए पछि झनै समस्यम परेकोमा पालिको सहयोगले राहत मिलेकोमा राप्ती गाउँपालिका ५ कि सितासरी चौधरीले खुशी व्यक्त गरिन ।
उनीहरु मात्रै होइन समस्यामा परेका करिब १४ घरपरिवारलाई आइतबार घरमै पुगेर सहयोग हस्तान्तरण गरेको अध्यक्ष विष्टले जानकारी दिए ।
केही वडाहरुमा अझै त्यस्ता घरपरिवारहरु बाँकी रहेको बताउदै उनीहरुलाई पनि घरमै पुगेर सहयोग हस्तान्तरण गर्ने योजना रहेको छ ।
त्यस्तै अध्यक्ष विष्टले आफुले प्राप्त गरेको सेवा सुविधाबाट त्यस्ता घरपरिवारलाई सहयोग गर्न पाउदा आफु निकै खुशी भएको बताउदै आफु सधैं जनतासँगै रहेकाले कुनै समस्या परे जानकारी गराउन समेत आग्रह गरे ।
अध्यक्ष विष्टले विगतका वर्षहरुमा जनप्रतिनिधि नरहेको बेलामा समेत समस्यामा रहेका घरपरिवारलाई यसरी नै सहयोग गर्दै आइरहेको छन् ।