माण्डवी गाउँपालिका धनचौरका विपद् प्रभावित ९० जना महिला र किशोरीहरूले मर्यादा र प्रजनन् स्वास्थ्य सामाग्री पाएका छन् । जिल्ला विपद् व्यवस्थापन समिति प्यूठान र माण्डवी गाउँपालिकाको समन्वयमा युएनएफपिए र नेपाल रेडक्रस सोसाइटी प्यूठानले उक्त सामाग्री पिडित परिवारलाइ वितरण गरेको हो ।समुहमा मनोसामाजिक परामर्शको अवस्थामा, विपद्बाट महिला तथा किशोरीहरूमा मानसिक स्वास्थ्य समस्या समेत देखा परेको महिला सुरक्षा वासका मनोसामाजिक परामर्शकर्ता बिमला खडकाले बताइन् । परामर्शको क्रममा नेपाल सरकारले महिला तथा किशोरीका लागि लैंगिक हिंसा र मनोसामाजिक समस्या समाधानका लागि एकव्दार संकट व्यवस्थापन केन्द्र र महिला सुरक्षा बासको व्यवस्था गरेको सोहि अवसरमा जानकारी दिइन् ।

गाउँपालिकाका अध्यक्ष नमराज अधिकारी, उपाध्यक्ष पूर्णप्रसाद कालाथोकी र इलाका प्रशासन कार्यालय बाबुराम पुरीले सरसफाइ सामाग्री र डिग्नीटी किट पहिरो पिडित किशोरी र महिलालाइ सामाग्री हस्तान्तरण गरी कार्यक्रम शुभारम्भ गरेको हो । सो कार्यक्रममा संयुक्त राष्ट्र संघ जनसंख्या कोषका केदार राना मगर र नेपाल रेडक्रस सोसाइटीका सभापती गुमानराज पुलामीले किशोरी र महिलाहरूलाइ मर्यादा सामाग्री, किशोरी किट र सरसफाइ ९० थान मर्यादा सामाग्री र ३९ थान सरसफाइ सामाग्री वितरण गरे ।

पहिरोबाट विस्थापित घरपरिवारका लागि जिल्ला विपद् व्यवस्थापन समितिको सहयोगमा जङ्गल छेउमा ८ वटा अस्थाइ टेन्ट खडा गरिएको र आवश्यक बिजुलीको व्यवस्था भैरहेको थियो ।

गाउँ पालिकाका अध्यक्षले स्थानीय सरकार अत्यन्त सक्रियताका साथ उध्दार र सहयोगमा लागेको र इलाका प्रशासन कार्यालयका प्रमुखले विपद्को अवस्थामा युएनएफपिए, युनिसेफ लगायत अन्तर्राष्ट्रिय संस्थाहरूसँग समन्वय गरी चाहिने सहयोग जुटाउन सकिने बताए