नेत्र खनाल दाङ्ग
दाङ्ग देउखुरीमा पछिल्लो समय दुई हस्तीहरु निकै चर्चित छन् । नेपालको संबिधान २०७४ ले अङ्गीकार गरेको नेपालको राज्य प्रणाली अनुसारको तिन तहको व्यवस्था अनुसार प्रदेश सरकारको व्यवस्थापन र राजधानी स्थायीत्वको लागी नेपाली राजनीतीमा निकै चर्चा हुने गरेको छ । नेपालमा ७ प्रदेश मध्ये सुरुवाती अवस्थाबाट निकै चर्चामा रहेको लुम्बिनी प्रदेश नै हो । यस प्रदेशको राजधानी स्थायीत्वको लागी प्रदेश सरकारबाट कानुनी रुपमा पास भएपनी स्थायीत्व ग्रहण गर्न सकेको छैन । तर मंसिर ४ को केन्द्रीय निर्वाचन पछी प्रदेश राजधानीले स्थायीत्व पाउने बिषयमा राप्तीबासी निकै हर्षित भएका छन् । प्रदेश सरकारका मुख्यमन्त्री कुल प्रसाद केसी (सोनाम) बिहिबार नै आफ्नो पूर्ण तयारीका साथ स्थायी राजधानी राप्ती उपत्यका छिर्दा बुटबल स्थित केही कर्मचारीको विरोध आएको थियो । भने अर्थ तथा सहकारी मन्त्री कृष्णध्वज खड्का पनी मन्त्रालयको पुर्ण तयारीका साथ प्रदेश राजधानी राप्ती उपत्यका आईपुगेका छन् । राजधानी स्थायीत्वको संरचनाको क्षेत्र रहेको लालमटिया स्थित साबिक प्राविधिक बिद्यालय चिटीक्क पारेर सिंगारीएको छ । मुख्यमन्त्री कार्यालय मुख्यमन्त्री निबास पूर्ण तयारी कार्य सम्पन्न भएको छ । भने अन्य मन्त्रालयको भवन र निबासको तयारी अन्तीम् अवस्थामा पुगेको छ । सभामुखको निबास गढवामा तयारी अबस्थामा पुगेको छ । साथै दलको कार्यालय अवको १५ दिनमा तयारी रहने छ । यसकार्यलाई तिब्रगतीमा काम संम्पन्न् गर्न दिनरात ज्यामीहरु परिचालन भैरहेको जग्गा एकिकरण विकास समितिका अध्यक्ष श्यामेस चौधरीले बताएका छन् । मन्त्रालय परिसर भित्र अब केही सरसफाईका काममात्र बाकी रहेको र केही टुटुफुट कार्य बाकी रहेको जानकारी दिदै अध्यक्ष चौधरीले राजधानी व्यवस्थाका लागी आफुले कुनै कसरतमा कमी नराखने बताएका छन् । यस्तै राप्ती गाउँपालिका अध्यक्ष प्रकाश बिष्टले राजधानी क्षेत्रभित्र आउने सबैखाले कर्मचारीको व्यवस्थापनमा कुनै कमी आउन नदिने प्रतिबद्धता प्रेश ब्यक्तब्य मार्पmत सुचित गरेका छन् । अध्यक्ष बिष्टले राजधानी व्यवस्थापनको लागी राप्ती गाँउपालीका जुनसुकै त्याग गर्न तयार रहेको बताउदै बिष्टले राजधानी व्यवस्थापनको लागी पालिकास्तरबाट पाँच सय युवा परिचालन गरी राजधानी क्षेत्रको सरसफाईमा परिचालन गर्ने बताएका छन् । यसका लागि गाउँपालिका क्षेत्रभित्र रहेका उद्योग बाणिज्य संघ लगायत सबै खाले संघ संस्थालाई परिचालन गर्ने बताएका छन् ।