नेत्र खनाल
दाङ्ग, नेपाल कम्युनिस्ट पार्टी (माओबादी केन्द्र)को जनवर्गीय संगठन वाईसीएल नेपाल राप्ती गाँउसंगठन कमिटीको भेला तयारी तिव्र पारिएको छ । आगामी पुष ५ गते गर्ने तयारी अन्तिम चरणमा पुगेको छ । संगठनको उद्धघाटन गर्न वाईसीएल नेपालका केन्द्रीय अध्यक्ष सुबाोध शेर्पाली दाङ्ग आउने भएका छन् ।
संगठनको भेला बाट नयाँ नेत्रृत्व चुनिने छ । लुम्बिनी प्रदेश राजधानी क्षेत्रभित्र राप्ती गाँउपालीका पर्ने भएकाले यस संगठनको भेलालाई बिशेष तरीकाले हेरिएको छ । राप्ती गापा भित्र संगठनले ५ सय युवा परिचालन गर्ने तयारीका साथ भेला गर्न लागिएको राप्ती संगठन कमिटीका अध्यक्ष दिपक पुुनमगरले जानकारी दिए । नेपाल कम्युनिष्ट पार्टी माओबादी केन्द्रको धेरै भाईचारा संगठन मध्ये युबा परिचालन तथा अर्धसैनिक बलको रुपमा क्रियासील यस संगठनको भेलाबाट अध्यक्ष पदमा निर्वाचीत हुनका लागी निम बहादुर महरा, शरद गिरी, नरिजन चौधरी, बिकास मगर आकाङ्गछी देखिएका छन् । भेलाले पदाधीकारी सहित ३१ सदस्य गाँउसंगठन कमिटी निर्बाचीत गर्ने बाईसिएल नेपाल जिल्ला कमिटी दाङ्गका सदस्य ज्ञानु केसीले जानकारी दिएका छन् ।
