विशाल रानामगर
प्युठान,गाउँमै उद्यमको रहरले स्थानीय हेमन्त थापामगरले अर्खामा चप्पल उद्योग सञ्चालन गरेका छन् ।
गौमुखी गाउँपालिका–२ अर्खा पैयुपाटामा उनले चप्पल उद्योग सञ्चालन गरेका हुन् । उनले बाग्दुला–बाग्लुङ भिमगिठे सडक खण्डको छेउमा चप्पल उद्योग सञ्चालन गरेर बसेका हुन् ।
गाउँमा नै उद्यम गरेको आयआर्जनबाट व्यवसायी बन्ने लक्ष्यले चप्पल उद्योग सञ्चालन गरिएको उद्यमी हेमन्त थापामगरले जानकारी दिए । उनका अनुसार ४ महिनाको मेहनत र करिब १२ लाख लगानीमा उद्योग सञ्चालन गरेका हुन् ।
अर्खा जिल्लामै दुर्गम मानिने भएपनि केही गरेर देखाउने उनको चाहाना छ । अहिले सादा र रङ्गिन चप्पल उत्पादन गरेका छन् । जसले गर्दा ग्राहकलाई सहज बनेको छ । उनले जिल्ला भित्र वा बाहिर पनि अडर अनुसार होम डेलिभरिको ब्यबस्था गरेको बताए ।