जनखोजी
प्युठान, होटल व्यवसायी महासंघ नेपालको केन्द्रीय अध्यक्षमा दिनेशकुमार चुके चयन भएका छन् । बुधबार राति भरतपुरमा सम्पन्न भएको महासंघको १० औं साधारणसभा तथा चौंथो राष्ट्रिय महाधिवेशनले चुकेलाई अध्यक्षमा सर्वसम्मत चयन गरेको हो । महासंघका अरु पदाधिकारीमा पनि सर्वसम्मत चयन गरिएको छ ।
महासंघमा प्युठानका धनेश्वर भण्डारी केन्द्रीय सचिवमा सर्वसम्मत निर्वाचित भएका हुन् । महासंघको वरिष्ठ उपाध्यक्षमा शेरबहादुर थापा, उपाध्यक्षमा वीरञ्जन बटाला र सन्तोष उप्रेती चयन भएका छन् । उपाध्यक्षमा भाइचन्द्र श्रेष्ठ, मोदनाथ बेलबासे, तिलकबहादुर कार्की र देवी गौतम चयन भएका छन् । महिला उपाध्यक्षमा धनादेवी चोखाल चयन भएकी छिन् । महासचिवमा तुल्सीराम भण्डारी र उप–महासचिवमा राजेश मलहोत्रा सर्वसम्मत चयन भएका छन् ।
सचिवमा धनेश्वर सहित राजु अधिकारी, कमलबहादुर बम, धनेश्वताराप्रसाद आचार्य, जनकबहादुर सिंह, बुद्धिप्रसाद पन्त, नारायणबहादुर सेन र मित्रप्रसाद ढकाल चयन भएका हुन् । कोषाध्यक्षमा कृष्णकुमार श्रेष्ठ र सह–कोषाध्यक्षमा सुदीपकुमार श्रेष्ठ रहेका छन् ।