तुल बहादुर कुवर
भालुवाङ्ग,१६ फागुन, लुम्बिनी प्रदेश सरकार अन्तर्गत रहेको प्रदेश पूर्वाधार विकास प्राधिकरण कार्यालय राप्ती उपत्यका देउखुरीको आयोजना तथा माईलस्टोन डिजाइन एण्ड प्लानिङ कन्सल्ट प्रा.लि.को सहकार्यमा मंगलबार राप्ती उपत्यका भित्र बन्ने पूर्वाधार संरचना (आवास तथा अन्य संरचना ) मापदण्ड निर्धारण सम्बन्धि कार्यशाला गोष्ठी भालुवाङमा सम्पन्न भएको छ।
गोष्ठी प्रदेश पूर्वाधार विकास प्राधिकरणका प्रमुख कार्यकारी अधिकृत तथा इन्जिनियर छविराज पोख्रेलको अध्यक्षता सम्पन्न भएको हो। गोष्ठीमा माईलस्टोन डिजाइन एण्ड प्लानिङ कन्सल्ट प्रा.लि.का ईन्जिनियर कुमार धमला, पूर्व न्याय परिषद्का सदस्य तथा उच्चस्तरीय निर्देशक समितिका विज्ञ सदस्य पदम वैदिक ,प्राधिकरणका कार्यकारी प्रमुख छविराज पोख्रेलले प्रदेश राजधानी जग्गा एकीकरण आयोजना सञ्चालन प्रक्रिया र कानूनी आधारहरुको बारेमा प्रस्तुतिकरण गरेका थिए ।
सो गोष्ठीमा लमही नगरपालिकाका नगर प्रमुख जोगराज चौधरी, राप्ती गाउँपालिकाका अध्यक्ष प्रकाश विष्ट, गढवा गाउँपालिकाका अध्यक्ष यम नारायण पोख्रेल, राजपुर गाउँपालिकाका अध्यक्ष शरद कुमार बुढाथोकी ,जग्गा एकीकरण विकास आयोजनाका अध्यक्ष श्यामेस चौधरी लगायत लमही, सितगंगा नगरपालिका राप्ती ,गढवा र राजपुर गाउँपालिकाका प्रमुख प्रशासकीय अधिकृत तथा विभिन्न वडाका वडा अध्यक्षहरुको सहभागीता रहेको थियो।
प्रदेश पूर्वाधार विकास प्राधिकरणका अधिकृत लक्ष्मण घिमिरेको स्वागत मन्तव्य बाट शरु भएको कार्यक्रमको सहजीकरण इन्जिनियर शंकर सुवेदीले गरेका थिए ।
