साउन ४ , बबिता रिजाल, प्युठान । स्वर्गद्वारी नगरपालिकाले नगरपालिका भित्रका सामुदायिक विद्याालयहरुमा अनुगमन गरेको छ । विहिवार स्वर्गद्वारी नगरपालिकाका नगर उप प्रमुख मिनराज राना मगरको नेतृत्वमा स्वर्गद्वारी नगरपालिका वडा नं. १ का स्वर्गद्धारी बाल बिकास केन्द्र पिपलडाँडा , जन शान्ती प्राथमिक विद्यालय सल्लुडाँडा , अम्बिकेश्वरी प्राथमिक विद्यालय रुम र नेपाल राष्ट्रिय माध्यामिक विद्यालय भलाडाँडामा अनुगमन गरिएको स्वर्गद्वारी नगरपालिकाका नगर प्रवक्ता सुरज संगम सुनारले जानकारी दिनुभयो । विहिवार नगर उप प्रमुख मिनराज राना मगरको नेतृत्वमा स्वर्गद्वारी नगरपालिकाका शिक्षा संयोजक ओविराम भण्डारी , पत्रकार जिवन हमाल लगायतको टोली विद्यालयमा पुगेर अनुगमन गरिएको पनि उहाँले बताउनु भयो ।
स्वर्गद्वारी नगरपालिकाको शैक्षिक गुणस्तरलाई अभिवृद्धि गरि बलियो शैक्षिक जनशक्ति उत्पादन गर्न महत्वपुर्ण भुमिका खेल्ने विद्यालयहरुको शैक्षिक अबस्था , विद्यार्थि तथा शिक्षकहरुको अबस्था , विद्यालयको भौतिक संरचना , विद्यालयमा पठनपाठनको अवस्था , व्यवस्थापकिय क्षेत्र लगायत सम्पुर्ण पक्षको अनुगमन गरि नगरपालिकाले आगामी दिनमा विद्यालय शिक्षालाई प्रभावकारी बनाउन के कस्ता कामहरु गर्र्नुपर्ने आवश्यकता रहेको छ , सो को अध्यन गरी सोहि अनुसारका कार्यक्रमहरु सञ्चालन गर्ने उद्देश्यले विद्यालयहरुको अनुगमन गरिएको स्वर्गद्वारी नगरपालिकाका नगर उपप्रमुख मिनराज राना मगरले बताउनु भयो ।
अनुगमनका क्रममा अम्बिकेश्वरी प्राथमिक विद्यालय रुममा खानेपानिको अत्यन्तै समस्या रहेको तथा विद्यालयको भवन र झ्याल ढोका जिर्ण अवस्थामा पुगेकोले त्यसको तत्काल मर्मत गर्नुपर्ने , नेपाल राष्ट्रिय माध्यामिक विद्यालय भलाडाँडामा पनि खानेपानीको अभाव भएकाले तत्काल पानि ट्यांकीको व्यवस्थापन गर्नुपर्ने , विद्यालय क्षेत्र फोहोर भएकाले सरसफाईमा विद्यालयले ध्यान पुर्याउनु पर्ने तथा विद्यालयमा घेराबार लगाउनुपर्ने देखीएको स्वर्गद्वारी नगरपालिकाका शिक्षा संयोजक ओविराम भण्डारीले जानकारी दिनुभयो ।
त्यस्तै जन शान्ती प्राथमिक विद्यालय सल्लुडाँडामा २ जना निजी शिक्षकले पठनपाठन सञ्चालन गर्दै आएको देखीएको छ । संघ , प्रदेश र स्थानिय सरकारले दिने दरबन्दि तथा राहत शिक्षकको पहुँच नपुगेको देखीएकाले स्वर्गद्वारी नगरपालिकाले जतिसक्दो छिटो शिक्षक अपलब्ध गराउन यथासिघ्र पहल गर्ने पनि संयोजक भण्डारीले बताउनु भयो । स्वर्गद्धारी बाल बिकास केन्द्र पिपलडाँडाको शैक्षिक अबस्था भने सामान्य देखीएको भण्डारीको भनाई छ ।
